Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Jòb 20​:​1-29

SA K LADAN L

  • Dezyèm diskou Sofa (1-29)

    • Li santi Jòb manke l dega (2, 3)

    • Li fè konprann Jòb mechan (5)

    • Li di Jòb renmen peche (12, 13)

20  Sofa+, desandan Naama a*, reponn:   “Se sa w sot di a ki toumante m ki fè m reponn,Paske m santi m boulvèse.   Mwen tande w di yon pawòl pou w manke m dega,Epi, entèlijans mwen* pouse m reponn.   Ou pa ka pa konn sa m pral di w la,Paske se konsa sa ye depi lè yo te met lòm* sou tè a+:   Se pou yon ti tan moun ki mechan an ap rele ak kè kontan,E se pou yon ti moman moun ki kite Bondye a* kontan+.   Byenke ògèy li rive jis nan syèlE tèt li rive nan nyaj yo,   L ap disparèt pou toutan menm jan ak poupou l,Moun ki te abitye wè l yo ap mande: ‘Kote li?’   L ap pase byen vit tankou yon rèv, e yo pap jwenn li,Y ap bliye l tankou yon vizyon yo fè nan nuit.   Je ki te konn wè l yo pap wè l ankò,E moun kote l te ye a pap wè l ankò+. 10  Pwòp pitit li pral mande pòv fè yo favè,E se li menm menm k ap bay lòt moun richès li yo+. 11  Li* te chaje ak fòs tankou yon moun ki jèn,Men, l ap mouri ak tout fòs li. 12  Si sa ki pa bon gen bon gou nan bouch li,Si li kache l anba lang li, 13  Si l pran san l pou l pran gou l san li pa jete l,E li kontinye kenbe l nan bouch li, 14  Sa l ap manje a ap gate nan vant li,L ap vin tankou pwazon kobra* anndan l. 15  Li te vale anpil richès, men l ap vomi tout,Bondye ap retire yo nan vant li nèt. 16  L ap souse pwazon ki nan kobra yo,Yon vipè ap pike l e l ap touye l. 17  Li pap janm wè rivyè ankò,Gwo rivyè siwo myèl ak bè k ap koule. 18  L ap bay byen l san li pa itilize yo*.Li pap jwi richès li fè nan fè komès+. 19  Paske, li te kraze moun ki pòv la, li te abandone l.Li te pran yon kay li pa t bati, 20  Li pap santi l anpè,Richès li yo pap ka delivre l. 21  Pa ret anyen pou l kouri pran,Se poutèt sa richès li yo ap fini. 22  Gen yon sèl kè kase k ap anvayi l lè l fin rich nèt,Tout malè ap rive l. 23  Pandan moun ki mechan an ap plen vant li,Bondye* ap lage gwo kòlè l sou li.Kòlè l ap tonbe sou li e l ap antre anndan trip li. 24  Pandan mechan an ap kouri pou zam ki fèt an fè,Flèch ki soti nan yon banza* an kuiv ap pèse kò l. 25  Li retire yon flèch nan do l,Li retire yon flèch byen klere nan fyèl li,Epi, li vin pè anpil+. 26  Y ap voye trezò l genyen yo nan fènwa nèt,Yon dife pèsonn pa t ni limen ni vante ap boule l nèt,Malè ap rive tout moun ki chape ki anba tant li an. 27  Syèl la ap fè konnen peche l fè,Latè ap leve kont li. 28  Yon gwo dlo ap pote kay li ale,Yon gwo dlo k ap rive nan jou kòlè Bondye* a. 29  Se sa Bondye bay moun ki mechan an,Se sa Bondye kite pou li.”

Nòt anba paj

Oswa: “moun Naama a”.
Lit.: “yon lespri ki sot nan entèlijans mwen”.
Oswa: “lèzòm; Adan”.
Oswa: “se pou yon ti moman aposta a”.
Lit.: “Zo l yo”.
Yon koulèv ki gen yon pwazon vyolan yo jwenn ann Azi ak ann Afrik.
Lit.: “e li pap vale yo”.
Lit.: “Li”.
Lit.: “li”.