Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A Gade edisyon 2015 lan

Revelasyon 15​:​1-8

15  Epi, mwen wè yon lòt siy nan syèl la, yon siy estrawòdinè ki pou fè moun sezi: sèt zanj ak sèt kalamite. Kalamite sa yo se dènye yo, paske se avèk yo kòlè Bondye a ap rive nan bout li.  Epi, mwen wè yon bagay ki sanble ak yon lanmè ki klè e ki mele ak dife. E moun ki sot pote laviktwa sou bèt sovaj la, sou estati l la ak sou nimewo ki koresponn ak non l lan, mwen wè yo kanpe bò lanmè ki klè a, yo gen hap* Bondye nan men yo.  E y ap chante chante Moyiz la, esklav Bondye a, ak chante Timouton an, yo di: “Jewova Dye, ou menm ki Toupisan an, travay ou yo se gwo zafè e yo estrawòdinè. Ou menm ki Wa letènite, wout ou yo dwat e moun ka fè yo konfyans.  Ki moun ki pap gen lakrentif pou ou vre, Jewova, e ki pap bay non w glwa? Paske, se ou sèl ki fidèl. Paske, tout nasyon ap vin devan w pou yo adore w, poutèt yo wè klè dekrè w yo jis.”  Apre sa, mwen wè pati ki pi sen nan tant temwayaj la ki ouvè nan syèl la,  e sèt zanj ki te gen sèt kalamite yo soti nan pati ki pi sen an. Yo abiye ak rad len ki pwòp e ki klere, e yo gen senti annò toutotou lestomak yo.  E youn nan kat cheriben* yo bay sèt zanj yo sèt bòl annò ki te plen ak kòlè Bondye, li menm k ap viv pou toutan gen tan an.  E pati ki pi sen an vin plen ak lafimen, akoz glwa Bondye ak pisans li, e pèsonn pa t ka antre nan pati ki pi sen an toutotan sèt kalamite sèt zanj yo pa t fin pase.

Nòt anba paj

Gade nòt ki pou Re 5:8 la.
Gade nòt ki pou Re 4:6 la.