Al gade sa k anndan l

Ale nan lis ki di sa k anndan l lan

Revelasyon 10​:​1-11

10  E mwen wè yon lòt zanj pisan ki desann sot nan syèl la. Li te gen yon nyaj ki te vlope kò l, li te gen yon lakansyèl sou tèt li, figi l te tankou solèy la, pye l te tankou poto dife,  e li te gen yon ti woulo ouvè nan men l. Li mete pye dwat li sou lanmè a, e li mete pye goch li sou tè a,  epi li rele byen fò tankou lè yon lyon ap gwonde. E lè l rele a, sèt loray yo fè tande vwa yo.  Twouve, lè sèt loray yo pale a, mwen te pare pou m ekri, men, mwen tande yon vwa nan syèl la ki di: “Sa sèt loray yo di yo, kenbe yo sekrè, pa ekri yo.”  E zanj mwen te wè ki te kanpe sou lanmè a ak sou tè a leve men dwat li nan syèl la,  e li sèmante devan Moun k ap viv pou toutan gen tan an, Moun ki kreye syèl la ak sa ki ladan l yo, tè a ak sa ki ladan l yo, lanmè a ak sa ki ladan l yo, li di: “Pap gen delè ankò.  Men, nan jou setyèm zanj lan pral pou sonnen twonpèt li a, sekrè sakre Bondye te deklare esklav li yo, anpalan de pwofèt yo, kòm bon nouvèl la, pral akonpli toutbonvre.”  Epi, mwen tande vwa ki te soti nan syèl la ki pale avè m ankò, li di: “Al pran woulo ki ouvè ki nan men zanj ki kanpe sou lanmè a ak sou tè a.”  M al kot zanj lan, e mwen di l pou l ban m ti woulo a. Li di m: “Pran l, epi manje l. L ap dous nan bouch ou tankou siwo myèl, men l ap fè lestomak ou boule w*.” 10  Mwen pran ti woulo a nan men zanj lan, mwen manje l. Li te dous nan bouch mwen tankou siwo myèl, men lè m fin manje l, lestomak mwen boule m. 11  Epi yo di m: “Fòk ou pwofetize ankò konsènan pèp, nasyon, lang ak anpil wa.”

Nòt anba paj

Mo pou mo: “l ap fè vant ou anmè”.