Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A Gade edisyon 2015 lan

Ebre 5​:​1-14

5  Paske, chak gran prèt yo pran pami lèzòm, yo mete l pou l fè sèvis Bondye an favè lèzòm, pou l ka fè ofrann e pou l ka fè sakrifis pou peche.  Li kapab aji avèk konpasyon ak moun ki pa konnen ansanm ak moun ki fè erè, etandone li menm tou, li gen pwòp feblès pa l.  Akoz feblès sa yo, li oblije fè ofrann pou peche pa l, menm jan l fè ofrann pou peche pèp la.  Epitou, yon moun pa ka bay tèt li fonksyon onorab sa a, men se sèlman Bondye ki pou rele l vin ladan l, menm jan l te fè sa pou Arawon.  Se konsa tou, se pa Kris ki te bay tèt li glwa lè l te vin gran prèt, men li te resevwa glwa nan men moun ki te di l: “Ou se pitit mwen. Jodi a, mwen menm, mwen vin papa w.”  Men sa li te di yon lòt kote: “Ou se prèt pou toutan, menm jan ak Mèlkisedèk.”  Pandan Kris t ap viv sou tè a, se avèk gwo rèl, ak dlo nan je, li te fè siplikasyon ansanm ak demann nan pye Sila a ki te ka sove l anba lanmò a. E Bondye te tande l paske li te gen lakrentif pou Li.  Aktout li te Pitit Li, li te aprann obeyisans nan bagay li te sibi yo.  E lè l fin konplè nèt, li vin pèmèt tout moun ki obeyi l jwenn delivrans etènèl, 10  paske Bondye te rele l pou l vin gran prèt, menm jan ak Mèlkisedèk. 11  Nou gen anpil bagay pou nou di konsènan li menm, men li difisil pou nou esplike yo, paske NOU vin mal pou NOU konprann*. 12  Alòske kounye a se anseyan NOU ta dwe ye, yon lòt fwa ankò NOU bezwen pou yon moun anseye NOU bagay de baz ki gen nan deklarasyon sakre Bondye yo, depi nan kòmansman, e NOU vin retounen bezwen lèt ankò, olye NOU bezwen gwo manje. 13  Paske, tout moun ki rete nan bwè lèt pa konn pawòl ki ann amoni ak sa ki jis, paske yo se timoun piti. 14  Men, gwo manje se pou moun ki gen matirite, pou moun ki rive distenge sa ki byen ak sa ki mal paske yo antrene kapasite yo genyen pou yo konprann nan afòs yo sèvi avè l.

Nòt anba paj

Mo pou mo: “nou vin tande di”.