Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A Gade edisyon 2015 lan

Ebre 3​:​1-19

3  Se sa k fè, frè m yo, NOU menm ki sen, NOU menm yo te rele pou al nan syèl la, reflechi seryezman sou sila a Bondye te voye a*, gran prèt nou deklare nou konnen an: Jezi.  Li te fidèl anvè Sila a ki te voye l e ki te mete l gran prèt la, menm jan Moyiz te fidèl tou nan tout kay Bondye a.  Paske, li merite plis glwa pase Moyiz, etandone moun ki bati kay la gen plis onè pase kay la.  Natirèlman, chak kay gen yon moun ki fè l, men, moun ki fè tout bagay se Bondye.  Moyiz te fidèl antanke sèvitè nan tout kay Bondye a, e sèvis li a se te yon temwayaj pou bagay yo t apral di annapre yo,  men, Kris te fidèl antanke Pitit ki alatèt kay Bondye a. Nou se kay Bondye a si nou kontinye pale avèk kran e si nou kenbe esperans ki fè nou fyè a byen fèm jiska lafen.  Se poutèt sa, tankou sa ekri anba enfliyans lespri sen*: “Jodi a, si NOU koute vwa Bondye,  pa fè tèt di, tankou lè zansèt NOU yo te fè m fè gwo kòlè a, tankou jou yo te pase m anba eprèv nan dezè a,  lè yo te pase m anba eprèv la e lè yo te teste m nan, byenke yo te wè travay mwen te fè pandan karant an. 10  Se poutèt sa, mwen te vin gen degoutans pou jenerasyon sa a, e mwen te di: ‘Nan kè yo, yo toujou ap kite wout yo, e yo pa rive konnen chemen m yo.’ 11  Se pou sa mwen te an kòlè, e mwen te sèmante: ‘Yo pap antre nan repo m nan.’” 12  Fè atansyon, frè m yo, yon fason pou okenn nan NOU pa gen yon kè mechan ki vin devlope nan li, yon kè ki manke lafwa, poutèt li kite Bondye vivan an. 13  Men, se pou youn kontinye ankouraje lòt chak jou, toutotan nou ka rele chak jou “Jodi a”, dekwa pou pouvwa peche genyen pou l twonpe moun pa fè okenn nan NOU ap fè tèt di. 14  Paske, an reyalite, n ap vin patisipe nan sa Kris patisipe yo, si sèlman nou kenbe konfyans nou te genyen okòmansman an fèm, jiska lafen. 15  E men sa ki te di: “Jodi a, si NOU koute vwa Bondye, pa fè tèt di, tankou lè zansèt NOU yo te fè m fè gwo kòlè a.” 16  Ki moun sa yo ki te tande, epoutan ki te fè Bondye fè gwo kòlè a? Èske se pa tout moun Moyiz te fè kite peyi Ejip yo? 17  Anplis de sa, ki moun ki te bay Bondye degoutans pandan karant an? Èske se pa moun ki te peche yo, moun kadav yo te rete nan dezè a? 18  Epitou, lè Bondye te sèmante yo pa t ap antre nan repo l la, ak kiyès li t ap pale? Èske se pa t ak moun ki te dezobeyi yo? 19  Kidonk, nou wè yo pa t ka antre nan repo l la akoz yo pa t gen lafwa.

Nòt anba paj

Oswa: “apot la”.
Mo pou mo: “tankou lespri sen di”.