Xpring tsu was too trin is

tsum sekundeer menu xpringe

Tsum Sumaario xpringe

Yeehoowa sayn Tsayer

Hunsrik

Weer tuut Hayt Yeehoowa sayn Wile Mache?

 LISIOON 9

Wii khëne mëyer uns pëser fer ti fersamlunge foer perayte?

Wii khëne mëyer uns pëser fer ti fersamlunge foer perayte?

Kamphootxia

Ukranien

Wënst tuu mit Yeehoowa sayn Tsayer ti Piipel xtutiirst, tuust woerxaynlich foer perayte was xtutiirt wërt. Es wëyer kuut tas sëlwiche foer te fersamlunge se mache, fer te kreeste nutse kriin. Ti pëste resultaate kriit mer, wën mer een kuut rotiine hot.

Suuch raus woo un wan tuu xtutiire wilst. Wan khanst tuu tich pëser konsentriire? Moynts frii, eeps tuu xafe keest, orer oomts, noo tëm ti khiner xloofe kang sin? Wënst tuu nët soo lang xtutiire khanst, suuch raus wii fiil tsayt tuu reserwiire khanst un los niks tich hinere. Suuch een plats woo ruuich is un playp wayt fon ales was ti konsentratsioon wëch hoolt orer was tich ap lënkt. Mach te raatio, ti telewisioon un tas telefoon aus. Foer tëm xtuutium peete, hëlft teer nët aan ti propleeme fom taach se tënke, un soo khanst tich in Kot sayn Wort konsentriire. — Filipenses 4:6, 7.

Mach markatsioone un tuu tich fërtich mache fer mit se mache. Ëyerst, hool een itee fom kanse theema. Tënk iwer te thitel fom atikel orer fom kapitel, un kuk aach wii ti uner thitle mit tëm theema tsu samer phase. Kuk aach ti pilter un ti frooche am ën fom atikel woo ti haupste phunkte tsayche. Tan, lees yeete ap sats un tuu ti antwort tsu te frooch fine. Suuch un lees ti tëkste fon te Piipel woo te pay sin un tënk wii ti mit tëm theema xtime. (Atos 17:11) Wënst tuu ti antworte finst, tuu phaar wërter uner xtrayche, woo tich in te fersamlung hëlfe aan ti antworte se erinere. Wënst tuu wilst, khanst tuu tich in te fersamlung meele un een khortse komentaar in tayn aychne wërter mache.

Yeete woch in te fersamlunge unerxiitliche theema se xtutiire khan unser khëntnis fon te Piipel imer kreeser mache. — Mateus 13:51, 52.

  •  Wii khanst tuu tich prokramiire fer ti fersamlunge foer perayte?

  •  Wii khanst tuu tich foer perayte fer een komentaar in te fersamlunge këpe?