Xpring tsu was too trin is

tsum sekundeer menu xpringe

Tsum Sumaario xpringe

Yeehoowa sayn Tsayer

Hunsrik

Weer tuut Hayt Yeehoowa sayn Wile Mache?

 LISIOON 17

Wii tuun ti sirkuyt superintentente uns hëlfe?

Wii tuun ti sirkuyt superintentente uns hëlfe?

Malaaui

Foer tëm preetiche

Im preetiche

Fersamlung mit ëlteste

Ti Kristlich Kreekixe Xrifte tuun fiil mools iwer Parnapë un te aphostel Phaul xprëche. Tiise mëner hon ketiint wii reesenter superintentent un hon ti kemaynte fon sayn taache pesuucht. Was hot se aan kemuut fer tas se mache? Tii hon sich wërklich mit sayn klaapes priiter kekhimert. Phaul hot kesaat tas er ‘tsurik keen wolt un ti priiter pesuuche’, fer se siin wii es tëne kang waar. Es waar een tuun wii fiil khilomeeter mist ëyer reese fer ti priiter se xtërke. (Atos 15:36) Ti reesenter superintentente in unsere taache hon te sëlwiche wunx.

Se tuun uns xtërke. Een sirkuyt superintentent tuut unkefeer 20 kemaynte pesuuche. Ëyer pesuucht yeete kemaynt tswaay mool im yoer un tuut eene woch mit tëne aarwayte. Ti kans kemaynt khan fiil nutse kriin fon te speriëns fon tiise priiter un sayne fraae, wën se ferhayrat sin. Tii xtrënge sich aan fer yunge un aach ti ëltere in te kemaynt khëne. Se tuun aach kërn mit uns im preetich aarwayte un in unsere Piipel xtuutien keen. Tiise superintentente tuun mit te ëlteste ti priiter pesuuche fer tii aan muute, un hale reete in fersamlunge un konkrëse fer uns se xtërke. — Atos 15:35.

Se tuun sich mit yeete eene khimere. Ti sirkuyt superintentente tuun sich hërtslich khimere aan ti spiritualiteet fon te kemaynte. Tii tuun sich mit te ëlteste un ministeriaal tiiner fersamle fer iwer tas wakse fon te kemaynt xprëche. Se tuun aach praktixe orientiirunge fer ti ëlteste un ministeriaal tiiner këpe fer sayn responsapiliteete kuut uf phase. Tii hëlfe ti pioneere tas se sayn aarwayt pëser mache khëne un tuun kërn ti naye mitkliiter fon te kemaynt khëne un wise wii tëne sayn spiritualiteet wakse tuut. Tiise priiter tuun sich sëlepst aus këpe, wayl tii sich mit sayn priiter un xwëstere khimere tuun. (2 Coríntios 8:23) Mëyer mise tëne sayn klaape un flaysichkheet noo mache. — Hebreus 13:7.

  •  Fer was tuun ti sirkuyt superintentente ti kemaynte pesuuche?

  •  Wii khëne tiise pesuuche tich persoonlich hëlfe?