Xpring tsu was too trin is

tsum sekundeer menu xpringe

Tsum Sumaario xpringe

Yeehoowa sayn Tsayer

Hunsrik

Weer tuut Hayt Yeehoowa sayn Wile Mache?

 LISIOON 26

Wii khëne mëyer unser Raych Saal kuut uf phase?

Wii khëne mëyer unser Raych Saal kuut uf phase?

Estoonien

Simpaapue

Monkoolien

Puërto Riiko

Yeete Raych Saal fon Yeehoowa sayn Tsayer tuut Kot sayn hayliche naame traan. Tës weeche, is es fer uns een priwilëj un een wichtiche teel in unsere aanpeetung, te Raych Saal sauwer, kexayt un in ortnung lose. Mëyer al khëne too mit hëlfe.

Hëlf mit te Raych Saal sauwer mache noo een fersamlung. Noo yeete fersamlung, tuun priiter un xwëstere kërn te Raych Saal xnël sauwer mache fer tee uf keraumt lose. Een mool in te woch wërt er pëser sauwer kemacht. Een ëlteste orer een ministeriaal tiiner tuut ti aarwayt koorteniire un nëkst imer een aarwayt list penutse. Tëm noo wii es nootwëntich is, khan yeete eene was mache, wii te fus poorem kheere, ap putse orer wëxe, te xtaap ap putse, ti xtiil uf raume, tas paat tsimer tesinfëktiire un sauwer mache, ti fënster un xpiichle ap putse, te lix raus nëme, te Raych Saal aus wëntich sauwer mache un te kaate uf phase. Een mool im yoer, tuun mëyer een taach reserwiire fer te Raych Saal komplët sauwer mache. In ëtliche aarwayte khëne ti khiner mit hëlfe, soo, tuun se lërne unser aanpeetung plats se respëktiire. — Eclesiastes 5:1.

Piit tich aan fer pay te reparatsioon fom Raych Saal se hëlfe. Yeetes yoer wërt een tetaliirte inspetsioon inwëntich un auswëntich fom Raych Saal kemacht. Torich tiise inspetsioon, wëre ferpëserunge kemacht fer te Raych Saal kexayt se lose, soo prauche meer nët mee aus këpe wii neetich is. (2 Crônicas 24:13; 34:10) Een Raych Saal woo sauwer un kexayt is, is een aanxtëntich plats fer unser Kot aanpeete un këpt een kuut impresioon fer ti nochpere. (2 Coríntios 6:3) Wën mëyer too mit aarwayte, tuun mëyer unser liipe tsu Yeehoowa un tsu tëm plats woo Ëyer aan kepeet wërt, tsayche. — Salmo 122:1.

  •  Warom mise mëyer unser Raych Saal kuut uf phase?

  •  Was wërt kemacht fer te Raych Saal kuut sauwer lose?