Xpring tsu was too trin is

tsum sekundeer menu xpringe

Tsum Sumaario xpringe

Yeehoowa sayn Tsayer

Hunsrik

Weer tuut Hayt Yeehoowa sayn Wile Mache?

 LISIOON 23

Wii wëre unsere puplikatsioone kexrip un iwersëtst?

Wii wëre unsere puplikatsioone kexrip un iwersëtst?

Xrayp Apteelung fon Nort Amërika

Siit Korea

Armeenien

Purunti

Sri Lanka

Fer ti “kuute aatere” fer ‘yeete natsioon, xtam, tsung un folek’ pëser se preetiche, tuun mëyer puplikatsioone in unkefeer 700 xprooche mache. (Apocalipse 14:6) Wii kriin mëyer tas wunerlich aarwayt kemacht? Mit te hilef fon een internatsionaal krup fon xrayper un unkefeer 3.300 iwersëtser, woo Yeehoowa sayn Tsayer sin.

Te tëkst wërt in Ënglix kexrip. Ti Rechiirënte Khërperxaft tuut ti aarwayt fon te Xrayp Apteelung im haupt sëts uf phase. Tiise apteelung tuut ti insëtsung fon xrayper woo im haupt sëts tiine un fon anere filiaale uf phase. Es is kuut een internatsionaal krup fon xrayper se hon, wayl soo, khëne se iwer fiil kulturaale theeme xraype un tas macht tas layt fon fiil lënter sich interesiire.

Te tëkst wërt tsu te iwersëtser kexikt. Wën ti tëkste ap kexlos sin un ti tsuxtimung kriin, wëre se tsu te iwersëtsungs krupe in te kans wëlt kexikt. Tiise iwersëtsungs krupe tuun te tëkst iwersëtse, leese un noo kuke. Tii tuun sich aan xtrënge fer ‘kenaue wërter fon te woerheet’ raus suuche, woo ti kenau petaytung fon te ënglixe tëkst fer ti xprooch woo se iwersëtse këpe. — Eclesiastes 12:10.

Ti komputatoore mache tas ti aarwayt fikser keet. Een komputatooer macht nët tas mer ti xrayper orer iwersëtser nëme praucht. Awer, te komputatooer khan hëlfe tas ti aarwayt fiks kemacht këpt, torich prokrame, eletroonixe wërter piicher un eletroonixe puplikatsioone. Yeehoowa sayn Tsayer hon een eletroonixes prokram (MEPS) aus wikëlt. Mit tëm tuun se tëkste in hunerte xprooche pay pilter tuun un fërtich lose fer se truke.

Fer was tuun mëyer uns soo aan xtrënge fer puplikatsioone se iwersëtse in xprooche woo plos phaar tausente layt xprëche? Wayl Yeehoowa wil tas “ale sorte mënxe kerët këpt un een kenau khëntnis fon te woerheet kriin”. — 1 Timóteo 2:3, 4.

  •  Wii wëre unsere puplikatsioone kexrip?

  •  Warom wëre tiise puplikatsioone in soo fiil xprooche iwersëtst?