Xpring tsu was too trin is

tsum sekundeer menu xpringe

Tsum Sumaario xpringe

Yeehoowa sayn Tsayer

Hunsrik

Weer tuut Hayt Yeehoowa sayn Wile Mache?

 LISIOON 7

Wii sin unsere fersamlunge?

Wii sin unsere fersamlunge?

Nay Seelant

Yaapan

Ukaanta

Lithuaanien

Wën ti ëyerste kristen sich fersamelt hon, hon se liite kesung, kepeet, ti Xrifte keleest un xtutiirt oone rituaale. (1 Coríntios 14:26) Tuu tuust was eenliches in unsere fersamlung siin.

Ti informatsioone tuun sich aan ti Piipel hale un sin nutslich fer unser leepe. Am ën fon te woch, tuut sich yeete kemaynt fersamle fer een Piiplixe Reet, woo 30 minute tauert, aan heere, iwer wii ti Hayliche Xrifte nutslich fer unser leepe sin, un wii se in unsere taache kuut phase. Mëyer al wëre aan kemuut fer ti tëkste in unser Piipel mit leese. Noo te reet, wërt tas Xtuutium fon A Sentinela kemacht woo een xtuun tauert un weer mit mache wil, khan sich meele fer komentaare këpe. Een atikel fon te xtuutium etitsioon fom piichelche A Sentinela wërt penuts, woo uns mit hëlfe tuut noo te piiplixe kesëtse se leepe. Tas sëlwiche xtuutium wërt in mee wii 115 tausent kemaynte uf te kans Ëyert xtutiirt.

Mëyer kriin hilef fer pëser in lërne. In te woch, hon mëyer aach een fersamlung fon tray teele. Ti ëyerst is tas Kemaynt Piipel Xtuutium, een xtuutium mit frooche un antworte, woo 30 minute tauert, woo unser khëntnis iwer printsiipie un profetsiie fon te Piipel ferpësert. Klaych tëm noo, fangt ti Teokratix Ministeriaal Xuul aan, woo aach 30 minute tauert, mit een konsiteratsioon iwer een teel fon te Piipel, woo ti mitkliiter fon te kemaynt xon keleest hon. Tan, tuun ti xtutënte, woo in kexrip sin, khortse foerxtëlunge mache un es wërt aus keleet wii se noch pëser leese un kuute reete hale khëne. (1 Timóteo 4:13) Tsum lëtste, in te Tiinst Fersamlung, woo aach 30 minute tauert, tuun mëyer torich reete, foerxtëlunge un intrewiste lërne, wii mëyer ti layt iwer ti Piipel in lërne khëne.

Wënst tuu in een fon unsere fersamlunge keest, tuust tuu tich sicher ferwunere mit te kwaliteet woo fon te Piipel in kelërnt wërt. — Isaías 54:13.

  •  Was khanst tuu fon te fersamlunge fon Yeehoowa sayn Tsayer waarte?

  •  In was fer fersamlung, woo mëyer hale, teest tuu kërn khome?