Xpring tsu was too trin is

tsum sekundeer menu xpringe

Tsum Sumaario xpringe

Yeehoowa sayn Tsayer

Hunsrik

Weer tuut Hayt Yeehoowa sayn Wile Mache?

 LISIOON 10

Was is ti familye aanpeetung?

Was is ti familye aanpeetung?

Siit Korea

Prasilien

Austraalien

Kineea

Yeehoowa wolt xon in te friirixe tsayte, tas ale familye tsayt hoole fer mit samer se plaype un sayn spiritualiteet un eenichkheet xtërke. (Deuteronômio 6:6, 7) Tës weeche, tuun Yeehoowa sayn Tsayer yeete woch tsayt hoole fer in familye Kot aan peete. In een kuut atmosfëre, xprëche se iwer piiplixe theema woo tëkt was fer yeete eene nootwëntich is. Aach tii woo aleen woone, khëne sich tsayt hoole fer een piiplix theema xtutiire, woo tëne kefalt. Soo, khan yeete eene sich ticht pay Kot hale.

Tas is een tsayt fer ticht tsu Yeehoowa khome. “Tuut ticht tsu Kot khome, un Tee tuut ticht tsu aych khome.” (Tiago 4:8) Mëyer tuun Yeehoowa pëser khëne wën mëyer in te Piipel iwer sayn personaliteet un iwer was Ëyer xon kemacht hot, lërne. Een laycht aat fer ti familye aanpeetung aan se fange, is tsusamer ti Piipel in hart xtim leese. Mer khan tas leese was in te wochlich prokramatsioon fon te Teokratix Ministeriaal Xuul xteet. Yeete in te familye khan een teel leese un tan khëne al saan was se kelërnt hon.

Tas is een tsayt fer ti familye sich ticht tsusamer hale. Familye woo ti Piipel mitsamer xtutiire tuun ti eenichkheet xtërke, man mit fraa un ëltere mit khiner. Es sol een xeen un friitliche tsayt sin, te momënt woo ale yeete woch waarte tuun. Tëm noo wii alt ti khiner sin, khëne ti ëltere praktixe atikle in unsere puplikatsioone orer im site jw.org raus suuche. Tuu khanst iwer een propleem xtutiire woo tayn khiner in te xuul mit kemacht hon un wii se too temit umkeen khëne. Fiil familye tuun aach liite singe, woo in te fersamlunge kesung wëre, un tuun ti aanpeetung mit een friixtik ap xliise.

Yeete woch tiise spetsiaal momënt penutse fer Yeehoowa aan se peete, hëlft al in te familye sich mim xtuutium fon Kot sayn Wort se fraye, un Tee tuut ayre aanxtrëngunge seechne. — Salmo 1:1-3.

  •  Fer was hoole mer tsayt fer in familye Kot aan se peete?

  •  Was khëne ti ëltere mache tas tiise momënt fer ti kanse familye xeen is?