Xpring tsu was too trin is

tsum sekundeer menu xpringe

Tsum Sumaario xpringe

Yeehoowa sayn Tsayer

Hunsrik

Weer tuut Hayt Yeehoowa sayn Wile Mache?

 LISIOON 8

Warom tuun mëyer kexayt tsaych aan fer in ti fersamlunge keen?

Warom tuun mëyer kexayt tsaych aan fer in ti fersamlunge keen?

Iislant

Mëksiko

Kinee-Pisau

Filipiinen

Host tuu xon in te pilter fon tas piichelche kesiin, wii Yeehoowa sayn Tsayer sich kuut aan tsiie fer in te fersamlunge keen? Fer was is es soo wichtich fer uns wii mëyer aus siin?

Fer respëkt tsu unser Kot tsayche. Es is woer tas Kot nët plos kuke tuut wii mëyer aus siin. (1 Samuel 16:7) Awer, wën mëyer uns fersamle fer Kot aan peete, unser hërtsliche wunx is respëkt fer Yeehoowa un unsere priiter tsayche. Wën mëyer foer een kericht khome mise, teete mëyer woerxaynlich kuut raus suuche was mëyer aan tsiie teete, weeche tëm Richter sayn autoriteet. Kraat soo, wën mëyer uns aanxtëntich fer unsere fersamlunge aan tsiie, tsayche mëyer respëkt tsu Yeehoowa “tëm Richter fon te kans Ëyert”, un tsum plats woo mëyer Tee aanpeete. — Gênesis 18:25.

Fer ti printsiipie xpiichle woo unser leepe lënke. Ti Piipel tuut ti kristen aan muute fer sich ‘aanxtëntich’ un mit ‘kuute ferxtant’ aan tsiie. (1 Timóteo 2:9, 10) Sich ‘aanxtëntich’ aan tsiie petayt tas mer nët tsaych penutst woo teele fom khërper tsayche, prowokant sin orer ti acht uf sich pringe. Un noch, kuute ferxtant hëlft uns xeen tsaych aus se suuche woo nët lapich orer iwertriip is. Tiise printsiipie lose yeete eene raus suuche wii er sich aan tsiie wil. Soo khëne mëyer ‘tas inlërne fon unser Rëter, Kot, raus wikse’ un oone wërter ‘Kot loope’, torich unser kexayte tsaych. (Tito 2:10; 1 Pedro 2:12) Soo, wii mëyer fer ti fersamlunge aan ketsoo sin, macht fiil aus wii ti pesuucher iwer tii aanpeetung fon Yeehoowa tënke.

Los nët tas tas tsaych tich hinert in te Raych Saal se keen. Unser tsaych praucht nët tayer orer fayn sin, es mus ploos sauwer un aanxtëntich sin.

  •  Warom is es wichtich aanxtëntich tsaych aan se tsiie fer Yeehoowa aanpeete?

  •  Was fer printsiipie tuun uns lënke iwer wii mëyer uns aan tsiie?