Xpring tsu was too trin is

tsum sekundeer menu xpringe

Yeehoowa sayn Tsayer

Hunsrik

Meechte ti Toote Noch Mool Leepe Khëne?

Meechte ti Toote Noch Mool Leepe Khëne?

Teest tuu saan . . .

  • yaa? 

  • nee? 

  • tas khan sin? 

 WAS SAAT TI PIIPEL

“Es tuut een ufxtaye fom toot...këpe.”— Atos 24:15, Tradução do Novo Mundo.

FER WAS IS TAS KUUT SE WISE

Tas ferxprëche khan . . .

tich treeste wën yemant woo tuu liipst xtërept.— 2 Coríntios 1:3, 4.

teer hëlfe nët ëngst fom toot se hon.— Hebreus 2:15.

teer een sicher hofnung këpe tayn parente un froynte woo kextorep sin noo mool aan se trëfe.— João 5:28, 29.

 KHËNE MËYER WËRKLICH KLAAPE WAS TI PIIPEL SAAT?

Yaa, wëche tray atikle:

  • Kot is tee woo tas leewe kemacht hot.  Ti Piipel saat tas Yeehoowa Kot “te kwël fom ­leewe” is. (Salmo 36:9; Atos 17:24, 25) Wën tee fer ales was leepëntich is tas leewe këp hot, khan Ëyer kewis yemant woo kextorep is, tas leewe noch mool këpe.

  • Kot hot xon kemacht tas layt fom toot ufkextii sin.  Ti Piipel xprëcht fon acht layt —mëner un fraae fon ale sorte ëlter — woo ufkextii sin fer uf ti Ëyert wayter se leepe. Maniche waare kraat kextorep, awer eene fon tëne waar xon fiir taache im kraap! —João 11:39-44.

  • Kot wil tas wërklich noch mool mache.  Yeehoowa hot wuut fom toot. Fer Tee, is te toot een faynt. (1Coríntios 15:26) Tee wil te faynt wërklich fernichte un too tefoer tuut Ëyer mache tas ti toote ufxtaye. Ëyer hot ferlangre fon te layt woo in sayn erinerung sin, un wil tii noch mool uf te Ëyert am leewe siin. —Jó 14:14, 15.

 TËNK MOOL NOO

Warom wëre mëyer alt un xtërpe?

Ti Piipel këpt ti antwort in GÊNESIS 3:17-19 un ROMANOS 5:12.