Xpring tsu was too trin is

tsum sekundeer menu xpringe

Tsum Sumaario xpringe

Yeehoowa sayn Tsayer

Hunsrik

Kuute Aatere fon Kot fer Tich!

 LISIOON 9

Wii khan tayn familye froo sin?

Wii khan tayn familye froo sin?

1. Fer een familye froo se sin, is es wichtich uf em kericht hayrate?

Yeehoowa, te Kot fon kuute aatere, is en frooe Kot un winst tas ti familye froo sole sin. (1 Timóteo 1:11) Tee hot ti hayrat inkextëlt. Ti lekaliseert hayrat is aarich wichtich fer te familye sayn frooheet, wayl se em man, fraa un sayn khiner hëleft sich mee kexitst fine.

Was mënt Kot fon te hayrat? Tee wil tas te man un ti fraa fer imer pay samer plaype. Ti kristen sole ti kesëtse fom kericht hayrat rexpëkteere. (Lucas 2:1, 4, 5) Yeehoowa winst tas te man un ti fraa eene mim aner troy sole sin. (Hebreus 13:4) Tee hot nët kërn tas ti layt aus naner keen. (Malaquias 2:16) Awer, erlaupt tas kristen aus naner keen un sich noch mool hayrate, wën eene fon tëne te aner hiner kang hot. —Lees Mateus 19:3-6, 9.

2. Wii sol te man un ti fraa eene mim aner umkeen?

Yeehoowa hot te man un ti fraa ketsoo, tas se in te hayrat, eene te aner hëlfe. (Gênesis 2:18) Te man is te xëf fon te familye, soo, mus tee sayn familye fersoriche un se iwer Kot in lërne. Te sol sayn fraa liipe soo wii sich sëlepst. Te man un ti fraa sole sich liipe un eene te aner rexpëkteere. Wayl te man un ti fraa imperfëkt sin, is es wichtich lërne se fertsaye fer een froo hayrat se hon. —Lees Efésios 4:31, 32; 5:22-25, 33; 1 Pedro 3:7.

3. Wëns tuu nët froo in tayn hayrat pist, is tas richtich te aner im xtich lose?

Wën tëyer propleeme in ayer hayrat hot, xtrënkt aych aan fer eene mim aner mit liip umkeen. (1 Coríntios  13:4, 5) Kot sayn Wort tuut nët es aus naner keenung aan muute, soo wii wën tas te aat weer fer tii propleeme fom hayrat aus mache. —Lees 1 Coríntios 7:10-13.

4. Khiner, was winst Kot fer aych?

Yeehoowa wil tas tëyer froo sayt. Tee këpt ti pëste aan reete tas tëyer khënt ti yunge yoore kuut penutse. Tee winst tas tëyer nutse kriit fon ayer ëltere sayn kluucheet, un fon was se xon mit kemacht hon. (Colossenses 3:20) Yeehoowa, Tee woo uns kemacht hot, wil aach tas tëyer ti frooheet hot fer Tee un tëm sayn soon tiiner. —Lees Eclesiastes 11:9–12:1; Mateus 19:13-15; 21:15, 16.

5. Ëltere, wii khënt tëyer ayer khiner hëlfe froo se sin?

Tëyer mist aych aan xtrënge fer leepensmitel, woon haus un tsaych fer ayer khiner këpe. (1 Timóteo 5:8) Awer tas is nët kenuuch. Tëyer mist se aach in lërne Kot se liipe un Tëm sayn aan reete in lërne. (Efésios 6:4) Ayer payxpiil, wën tëyer liip aan Yeehoowa tsaycht, khan tëne aans hërts krayfe. Ti piiplix inlërnung khan fer ti khiner een positiif eenflus sin. —Lees Deuteronômio 6:4-7; Provérbios 22:6.

Tayn khiner tuun nutse kriin wënst tuu se uf muute un loope tuust. Tii mise aach richtich ketsoo këpe un tisipliin kriin. Tas tuut se xitse tas se niks mache woo tëne xaate mache khan. (Provérbios 22:15) Awer ti tisipliin thërf nii tsuu xtarek orer krop sin. —Lees Colossenses 3:21.

Yeehoowa sayn Tsayer pluplitseere piicher woo spetsiaal kexrip sin fer te ëltere un te khiner se hëlfe. Tiise piicher tuun sich aan te Piipel hale. —Lees Salmo 19:7, 11.