Xpring tsu was too trin is

tsum sekundeer menu xpringe

Tsum Sumaario xpringe

Yeehoowa sayn Tsayer

Hunsrik

Kuute Aatere fon Kot fer Tich!

 LISIOON 4

Weer is Yeesus Kristus?

Weer is Yeesus Kristus?

1. Wii is Yeesus sayn leewe aankang?

Was fer kwaliteete hon fon Yeesus een tsukënklich persoon kemacht? — MATEUS 11:29; MARCOS 10:13-16.

Anerste wii ti anere mënxe, eep Yeesus uf ti wëlt khom is, wii een mënx, hot ëyer im himel keleept wii een kaystlich persoon. (João 8:23) Tee waar te ëyerste woo fon Kot ketsoo këp is, un hot keholef tas anere tings se mache. Ti Piipel nënt tee wii “eensiche” ketsoone Soon fon Kot. (João 1:14) Tee waar te eensiche woo Yeehoowa aleen kemacht hot. Yeesus is aach wii “tas Wort” kekhënt këp, wayl ëyer Kot sayn Wort aus ketraa hot. —Lees Provérbios 8:22, 23, 30; Colossenses 1:15, 16.

2. Warom is Yeesus uf ti Ëyert khom?

Kot hot sayn Soon fom himel uf ti Ëyert kexikt. Tee hot Yeesus sayn leewe in een yuute meete sayn unerlayp rin ketuun, tas meete hot Maria keheest. Tës weeche, hat Yeesus khee mënxliche fater. (Lucas 1:30-35) Tee is uf ti Ëyert khom fer (1) ti woerheet fon Kot in se lërne, (2) fer uns een payxpiil këpe, fer Kot sayn wile se mache wën mer aach xwiirichkheete mit mache, un (3) fer sayn perfëktlich leewe wii een “fray khaaf opfer” se këpe. —Lees Mateus 20:28.

3. Warom mise mëyer een fray khaaf opfer hon?

Fray khaaf opfer is te prays woo pëtsaalt wërt fer een leewe se rëte. (Êxodo 21:29, 30) Te toot un tas altheet ­waare nët tepay mit was Kot, am aanfang, fer ti mënxe hon wolt. Wii wise mer tas? Kot hot fer te ëyerste man, Aatam, kesaat wën tee mache teet was ti Piipel wii “sint” nënt, teet ëyer xtërpe. Soo, wën Aatam nët sint kemacht hët, weer tee nii kextorep. (Gênesis 2:16, 17; 5:5) Ti Piipel seet tas te toot torich Aatam in ti wëlt “rin khom is”. Un soo, hot Aatam,  tas sint un te xtroof fom toot, fer sayn nookhomer kelos. Mëyer mise een fray khaaf opfer hon fer uns fray se mache fom toot woo mëyer fon Aatam keërept hon. —Lees Romanos 5:12; 6:23.

Weer khënt tas fray khaaf opfer pertsaale, fer uns fom toot fray se mache? Te toot is te xtroof weeche unser aychne sinte. Wayl mëyer imperfëkt sin, khëne mer khee fray khaaf opfer fer nymant pertsaale. —Lees Salmo 49:7-9.

4. Warom is Yeesus kextorep?

Anerste wii mëyer, Yeesus waar perfëkt. Soo, praycht ëyer nët weeche sayn sinte se xtërpe — tee hat khee sint. Yeesus is weeche te anere erer sinte kextorep. Kot hot wunerlich liip iwer ti mënxe ketsaych, wayl Ëyer sayn Soon kexikt hot fer fer uns se xtërpe. Yeesus hot aach sayn liip iwer uns ketsaych, wayl ëyer sayn Fater aan keheert hot, un fer unser sinte sayn leewe këp. —Lees João 3:16; Romanos 5:18, 19.

5. Was is Yeesus hayt am mache?

Wii Yeesus uf te Ëyert waar, hot ëyer kranke keheelt, toote uf keruuf un te layt sayn traurichkheet laychter kemacht. Mit tëm aat, hot ëyer ketsaycht was tee fer ti mënxe, woo Kot aan heere, im futuer macht. (Mateus 15:30, 31; João 5:28) Noo am Yeesus sayn toot, hot Kot tee wii een kaystlich persoon uf keruuf. (1 Pedro 3:18) Tan, hot Yeesus uf Kot sayn rëchts sayt kewaat, pis Yeehoowa ëyer kheenich iwer ti kans Ëyert kemacht hot. (Hebreus 10:12, 13) Hayt, tuut ëyer im himel rechiire, un sayn tisiple tuun ti “kuute aatere”, in te kans wëlt, pekhant mache. —Lees Daniel 7:13, 14; Mateus 24:14.

In khorts tsayt, tuut Yeesus wii Kheenich sayn macht penutse, fer te kans traurichkheet un tii woo tas mache, een ën se këpe. Weer aan Yeesus klaapt un macht was ëyer seet, tuuts leewe im Paratiis uf te Ëyert kriin. —Lees Salmo 37:9-11.