Xpring tsu was too trin is

tsum sekundeer menu xpringe

Tsum Sumaario xpringe

Yeehoowa sayn Tsayer

Hunsrik

Kuute Aatere fon Kot fer Tich!

 LISIOON 15

Warom solst tuu wayter iwer Yeehoowa lërne?

Warom solst tuu wayter iwer Yeehoowa lërne?

1. Warom is es kuut wënst tuu wayter tii Piipel lërnst?

Tas is mool sicher, was tuu pis too hiin, in tiise Piipel xtuutium kelërnt host, hot tayn liip tsu Yeehoowa kextërekt. Tiise liip mus imer xtërker këpe. (1 Pedro 2:2) Tayn hofnung fer es eewich leewe se kriin, khomt truf aan, wënts tuu tich wayter pay Yeehoowa halst, torich een xtuutium fon tëm sayn Wort. —Lees João 17:3; Judas 21.

Wën tayn khëntnis iwer Kot kreeser wërt, tan wërt tayn klaawe xtërker. Tiise klaawe hëleft teer Kot se kefale. (Hebreus 11:1, 6) Tii tuut tich uf muute fer tich se peraue un tayn leewe ënere. —Lees Atos 3:19.

2. Wii khan tayn khëntnis iwer Kot te anere hëlfe?

Tuu khanst een spetsiaal ferpiinug mit Yeehoowa hon

Tas is nateerlich tas tuu wilst mit te anere xprëche iwer was tuu kelërnt host — mëyer al tuun kërn kuute aatere këpe. Wëns tuu ti Piipel wayter lërnst, khanst tuu ti Piipel penutse fer tayn klaawe aan Yeehoowa aus lëyer, un fer te layt se wayse ti kuute aatere woo ti Piipel hot. —Lees Romanos 10:13-15.

Ti mëyeste fange aan fer sayn familye un froynte se preetiche, iwer es kuut tings woo se kelërnt hon, awer mache es mit këxik un rexpëkt. Saar nët klaych tas tëne sayn relichioon ferkheert is, awer xprëch iwer Kot sayn ferxprëche. Petënkt tich tas ti layt fiil mools mee sich ferwunere mit was tuu machst als was tuu seest. —Lees 2 Timóteo 2:24, 25.

3. Wii khanst tuu tich mit Kot ferhale?

Wëns tuu Kot sayn Wort lërnst, tas tuut teer hëlfe fer tayn spiritualiteet se xtërke. Mit te tsayt, khanst tuu een kuut froyntxaft mit Yeehoowa hon. Tuu khanst soo kaar eene fon Yeehoowa sayn familye sin. —Lees 2 Coríntios 6:18.

 4. Wii khanst tuu wayter foer xriter këpe?

Tuu khanst tayn spiritualiteet xtërker mache, wëns tuu wayter Kot sayn Wort lërnst. (Hebreus 5:13, 14) Ferlang fer een fon Yeehoowa sayn Tsayer fer ti Piipel mit teer se lërne, mim puuch O Que a Bíblia Realmente Ensina?. Woos tuu mee fon Kot sayn Wort lërnst, tuut tayn leewe imer pëser këpe. —Lees Salmo 1:1-3; 73:27, 28.

Ti kuute aatere khome fon Yeehoowa, te frooe Kot. Tuu khanst ticht pay tee khome, wëns tuu tich ticht pay tëm sayn folek xafst. (Hebreus 10:24, 25) Wayl es tuu tich aan xtrëngst fer Yeehoowa froo se lose, khanst tuu es woere leewe kriin — es eewich leewe. Ticht pay Kot sich hale is wërklich es pëste was tuu mache khanst. —Lees 1 Timóteo 1:11; 6:19.