1. Was fer kuute aatere hot Kot fer tich?

Kot wil tas ti mënxe een froo leewe uf te Ëyert hon. Tee hot ti Ëyert un ales was truf is kemach, wayl Ëyer ti mënxe liipt. In khorts tsayt, tuut Tee ti traurichkheet tsum ën pringe, tas se al een pësere leewe hon. —Lees Jeremias 29:11.

Khee een rechiirung hot tas wiolënts, ti krankheet orer te toot tsum ën prung. Awer es këpt kuute aatere. Klaych, tuut Kot ale mënxliche rechiirunge fernichte un sayn aychne rechiirung in xtële. Tan, tuut sayn folek in friit un mit ­kesuntheet leepe. —Lees Isaías 25:8; 33:24; Daniel 2:44.

2. Warom sin tiise kuute aatere soo wichtich?

Ti traurichkheet kriit een ën ploos wën Kot ti xlëchte mënxe fon te Ëyert fernicht. (Sofonias 2:3) Wan tuut tas paseere? Kot sayn Wort hot foer heer kesaat, tas xlime tings woo ti layt hayt mit mache teete. Tas tsaycht tas Kot klaych in krayft. —Lees 2 Timóteo 3:1-5.

3. Was mise mëyer mache?

Mëyer mise Kot khëne lërne torich Sayn Wort, ti Piipel. Tii is wii een priif fon een liipe fater fer uns. Tii seet wii mer khëne een pësere leewe hayt hon, un eewich leewe im ­futuer uf te Ëyert kriin. Es khan sin tas ëtliche nët kërn hon tas tuu hilef kriist fer ti Piipel se ferxteen. Awer ti oportuniteet fer een pësere leewe se hon is tsu kuut fer se ferleere. —Lees Provérbios 29:25; Apocalipse 14:6, 7.