Xpring tsu was too trin is

tsum sekundeer menu xpringe

Tsum Sumaario xpringe

Yeehoowa sayn Tsayer

Hunsrik

Kuute Aatere fon Kot fer Tich!

 LISIOON 10

Wii khanst tuu ti woere aanpeetung itentifitsiire?

Wii khanst tuu ti woere aanpeetung itentifitsiire?

1. Këpts ploos een woere relichioon?

“Phast aych uf fon te falxe profeeter.” — MATEUS 7:15.

Yeesus hot nët in kelërnt tas mee relichioone richtich sin, ploos een: ti woere. Tii is wii een weech woo ufs leewe nëmt. Yeesus saat: ‘Weenich sin tii woos fine.’ (Mateus 7:14) Kot nëmt ploos es aanpeetung aan woo sich aan sayn woere Wort halt. Ti kanse woere aanpeeter sin eenich in een eensiche klaawe. —Lees João 4:23, 24; 14:6; Efésios 4:4,5.

2. Was saat Yeesus fon te falxe kristen?

“Tii tuun puuplich teklariire tas se Kot khëne, awer torich was se mache, wayst tas se tee nët aan nëme.” — TITO 1:16.

Yeesus saat tas falxe profeeter tas kristianismus fersaue teete. Aus wëntich, siin se aus wii woere aanpeeter. Sayn relichioone tuun sich kristlich nëner. Awer, tas is meechlich se mërke tas se nët woere kristen sin. Warom? Wayl ploos ti woere aanpeetung macht woere kristen, woo kuute kwaliteete wayse woo ti layt mërke. —Lees Mateus 7:13-23.

3. Wii siit mer klaych weer ti woere kristen sin?

Kuk ti finef karakteristike:

  • Ti woere kristen tuun ti Piipel wii Kot sayn Wort rexpëkteere. Tii xtrënge sich aan fer mit piiplixe printsipie se leepe. Wayl, ti woere relichioon is anerste fon te relichioone woo sich aan mënxe ­ketanke hale. (Mateus 15:7-9) Ti woere aanpeeter tuun nët ëtwas preetiche un aneres mache. —Lees João 17:17; 2 Timóteo 3:16, 17.

  •   Yeesus sayn woere tisiple eere Kot sayn naame, Yeehoowa. Yeesus hot Kot sayn naame ke eert, wayl ëyer en pekhant kemacht hot. Tee hot te layt keholef Kot lërne khëne, un hot se inkelërnt fer peete tas Kot sayn naame kehaylicht wërt. (Mateus 6:9) Woos tuu woonst, was fer relichioon tuut Kot sayn naame pekhant mache? —Lees João 17:26; Romanos 10:13, 14.

  • Tii woere kristen tuun Kot sayn Raych preetiche. Kot hot Yeesus uf ti Ëyert kexikt fer ti “kuute aatere fom Raych” preetiche. Kot sayn Raych is ti eensich hofnung fer ti mënxheet. Yeesus hot fon tëm Raych kexproch pis ëyer kextorep is. (Lucas 4:43; 8:1; 23:42, 43) Tee saat tas sayn tisiple tas Raych preetiche teete. Wën yemant aan tayn haus khomt, fer fon Kot sayn Raych se xprëche, tsu was fer relichioon tuut tii persoon im xtant keheere? —Lees Mateus 24:14.

  • Yeesus sayn tisiple hon khee teel in tee xlëcht wëlt. Tuu siist tas wayl tii sich nët in ti politik un in keselxaftliche konflikte rin mëxe. (João 17:16; 18:36) Un noch, tii tuun es xlëcht tings fon te wëlt nët noo mache. —Lees Tiago 4:4.

  • Ti woere kristen sin anerste wayl se sayn liip eene iwer te aner tsayche. Tii hon in Kot sayn Wort kelërnt tas se sole ti kanse eetniche krupe rexpëkteere. Ti falxe relichioone tuun fiil mools ti kriiche xtitse, awer ti woere aanpeeter tuun tas nët mache. (Miqueias 4:1-3) Kraat anerste, ti woere kristen penutse erer tsayt un hilefsmitel fer anere se hëlfe un uf se muute. —Lees João 13:34, 35; 1 João 4:20.

4. Khanst tuu ti woere relichioon itentifitseere?

Was fer relichioon halt sayn lënunge aan te Piipel, tuut Kot sayn naame eere un sayn Raych pekhant mache wiis eensich hofnung fer ti mënxe? Was fer krup tuut liip tsayche un sich nët in kriiche rin mëxe? Was mënst tuu? —Lees 1 João 3:10-12.