Xpring tsu was too trin is

tsum sekundeer menu xpringe

Tsum Sumaario xpringe

Yeehoowa sayn Tsayer

Hunsrik

Kuute Aatere fon Kot fer Tich!

 LISIOON 5

Was hot Kot fer ti Ëyert foer?

Was hot Kot fer ti Ëyert foer?

1. Fer was hot Kot ti Ëyert kemacht?

Yeehoowa hot ti Ëyert fer ti mënxe këp. Tii is unser hëm. Tës weeche, te ëyerste man un fraa, Aatam un Ewa, sin nët ketsoo këp fer im himel se leepe — Kot hat xon ëngele kemacht fer im himel se leepe. (Jó 38:4, 7) Kot hot te ëyerste man in een xeene Paratiis ketuun, woo Eetem kaate keheest hot. (Gênesis 2:15-17) Yeehoowa hot fer tee un sayn noo khomer ti oportuniteet këp fer es eewich leewe uf te Ëyert se hon. —Lees Salmo 37:29; 115:16.

Am aanfang, ploos te Eetem kaate waar een paratiis. Tas ëyerste mënxe pheer solt ti Ëyert mit sayn nookhomer pewoone. Mit te tsayt, teete se ti kans Ëyert uf phase un een paratiis tefun mache. (Gênesis 1:28) Ti Ëyert wërt nii fernicht un wërt fer imer te mënxe sayn hëm sin. —Lees Salmo 104:5.

2. Warom is ti Ëyert hayt nët een paratiis?

Aatam un Ewa hon Kot nët aan keheert, tës weeche hot Yeehoowa se fom Eetem kaate raus kexikt. Tas paratiis is ferloer kang un nymant khonts repareere. Fon tat aan ­wayter, is ti Ëyert in te hën fon tëne woo xlëcht sin. —Lees Gênesis 3:23, 24.

Awer, meecht Yeehoowa kefeelt hon mit was Ëyer am aanfang fer ti mënxe wolt? Nee! Tee is te Ale Mëchtiche un halt sayn wort. (Isaías 45:18) Kot macht tas ti mënxheet noch mool soo wërt wii Ëyer es am aanfang wolt. —Lees Salmo 37:11, 34.

3. Wii wërt tas Paratiis repareert?

Yeesus, wii Kheenich fon Kot sayn Raych, tuut fon te Ëyert noch mool een Paratiis mache. Torich een kriich, woo Armakeeton heest, lënkt Yeesus ti  ëngele fer se fernichte tii al woo sich keeche Kot xtële. Yeesus tuut tan, Satanaas, torich tausent yoore in xpëte. Wën tas fernichtung khomt, tuut Kot sayn folek am leepe plaype wayl ­Yeesus se lënkt un xitst.Tii kriin een eewich leewe im Paratiis uf te Ëyert. —Lees Apocalipse 20:1-3; 21:3, 4.

4. Wan kriit ti traurichkheet een ën?

Wan tuut Kot ti xlëchtichkheet uf te Ëyert tsum ën pringe? Yeesus hot een “sinaal” këp fer se tsayche tas es ën klaych khome teet. Ti situatsioon fon te wëlt, in unsere taache, is kefeelich fer te mënxe sayn leewe un tsaycht tas mer in te “lëtste taache fon tëm sisteem” leepe. —Lees Mateus 24:3, 7-14, 21, 22.

Torich sayn himlich rechiirung iwer ti Ëyert, woo tausent yoore tauert, tuut Yeesus ti kans traurichkheet tsum ën pringe. (Isaías 9:6, 7; 11:9) Yeesus is nët ploos een kheenich, tuut aach wii heeste priister tiine un ti sinte fon tëne woo Kot liipe, aus mache. Soo, torich Yeesus, tuut Kot ti krankheet, tas altheet un te toot wëch mache. —Lees Isaías 25:8; 33:24.

5. Weer tuut im futuere Paratiis leepe?

In tëm Raych Saal, tuust tuu persoone khëne woo Kot liipe un woo wole lërne wii se tee froo khëne lose

Weer Kot aan heert, tuut im futuere Paratiis leepe. (1 João 2:17) Yeesus hot sayn tisiple kexikt fer tsaamer layt suuche un se in lërne fer Kot sayn wile se mache. In unsere taache, tuut Yeehoowa milioone layt in lërne fer im futuere Paratiis uf te Ëyert se leepe. (Sofonias 2:3) In Raych Saale fon Yeehoowa sayn Tsayer, tuun ti layt lërne eerliche mëner un fatere sin, un pësere fraae un mutere sin. Khiner un ëltere tuun mitsamer Kot aan peete, un lërne wii se khëne mit te kuute aatere nutse kriin. —Lees Miqueias 4:1-4.