Baibel ena haere

 Oibe, badina Dirava ia ura taunimanima do idia haboua ia idia tomadiho henia totona. Baibel ia gwau: “Namona be ta ta ita laloa bada bona ita hagoadaia heheni, unai amo ita lalokau heheni bona kara namodia ita karaia. Iseda hebou karana ita rakatania lasi.”​—Heberu 10:24, 25.

 Iesu ese ia hahedinaraia ena murinai idia raka taudia ese orea ta do idia matamaia neganai, ia gwau: “Unai amo taunimanima ibounai do idia diba umui be egu hahediba taudia, bema umui huanai lalokau ia noho.” (Ioane 13:35) Unai kara badana, lalokau idia hahedinaraia totona Iesu ena hahediba taudia be edia abidadama tamona taudia ida do idia hebou. Bona idia be kongrigeisen ta ta dekenai do idia haria bona hanaihanai tomadiho totona do idia hebou. (1 Korinto 16:19) Idia ibounai ese, unai dala amo tanobada hegegemadai tadikaka oreana do idia hamatamaia.​—1 Petero 2:​17.

Tomadiho ta oi bamoa sibona lasi to kara haida oi karaia danu

 Baibel ese ia hahedinaraia taunimanima idia haboua bona Dirava idia tomadiho henia be namo, to ia hahedinaraia lasi ta be tomadiho ta ia bamoa karana amo Dirava ia hamoalea diba. Ta be Dirava ia hamoalea totona, ena tomadiho amo ia dibaia gaudia be dina ta ta ai ia badinaia be namo. Hegeregere, Baibel ia gwau: “Iseda Dirava bona Tamana ena matanai ia goeva bona miro lasi tomadiho dalana be inai: Tama sina idia mase natudia bona vabu be edia hisihisi lalonai do ita naria, bona inai tanobada ena kara mirodia amo do ita noho daudau.”​—Iamesi 1:​27.