Hla mus rau

Mus rau cov ntsiab lus

Yehauvas Cov Timkhawv

Xaiv Yam Lus Hmoob Dawb

 ZAJ NKAUJ 4

Yehauvas Yog Kuv Tus Tswv Yaj

Select an Audio Recording
Yehauvas Yog Kuv Tus Tswv Yaj

(Ntawv Nkauj 23)

  1. 1. Yehauvas yog kuv tus Tswv Yaj;

    Ua cas kuv ho txhawj thiab ntshai?

    Nws yeej hlub tshua nws cov yaj heev tshaj

    Nws nco ntsoov tsis pub lawv ncaim.

    Nws coj kuv rau tej dej ntsiag to,

    Kuv lub cev rov muaj zog zis.

    Thiab nws coj kuv hau kev vim nws lub npe

    Taug txojkev ncaj ncees kawg li.

    Nws coj kuv hau kev vim nws lub npe

    Taug txojkev ncaj ncees kawg li.

  2. 2. Txawm yog kuv taug txojkev tsaus ntuj,

    Kuv mus kuv yuav tsis ntshai li.

    Vim kuv tus Tswv Yaj nyob nrog nraim kuv;

    Nws tus pas nrig hwj kuv ntshis.

    Nws muab roj hliv ywg kuv taubhau;

    Kuv lub khob nws ntim puv nkaus.

    Nws txojkev hlub yeej nrog nraim kuv tas zog,

    Nws tsev yog kuv qhov chaw nkaum.

    Nws txojkev hlub nrog nraim kuv tas zog,

    Nws tsev yog kuv qhov chaw nkaum.

  3.  3. Kuv tus Tswv Yaj, muaj kev hlub tshaj!

    Kuv zoo siab hu nkauj hlo qhuas.

    Kuv tshaj rau cov siab mos muag li yaj

    Txog nws txojkev hlub thiab tshua.

    Nws Txojlus kuv yuav coj raws nraim,

    Nws txojkev kuv ua zoo mus.

    Txoj koob hmoov uas kuv tau los teev tiam nws,

    Kuv yuav muab tshaj txhua txhua hnub.

    Txoj koob hmoov uas tau los teev tiam nws,

    Kuv yuav muab tshaj txhua txhua hnub.

(Rho ntawm Nt.Nk. 28:9; 80:1.)