Hla mus rau

Mus rau cov ntsiab lus

Yehauvas Cov Timkhawv

Xaiv Yam Lus Hmoob Dawb

 ZAJ NKAUJ 108

Vajtswv Kev Hlub Nplua Mias

Select an Audio Recording
Vajtswv Kev Hlub Nplua Mias

(Yaxaya 55:1-3)

  1. 1. Yehauvas yog kev hlub.

    Nws txojkev hlub siab cuag lub ntuj.

    Vajtswv pub nws tib leeg Tub los

    Txhiv tau txhua tus ntawm kev txhaum hlo,

    Pub txojkev cia siab peb tos rawv

    Thiab txais txojsia ib txhis tsis kawg.

    (TXAIS)

    Cia txhua tus uas xav haus dej,

    Los haus dej kom cawm txojsia.

    Los haus dej, nej cov nqhis dej!

    Vajtswv kev hlub nplua mias.

  2. 2. Yehauvas yog kev hlub.

    Tej nws tsim qhia nws txojkev hlub.

    Vajtswv muab nws kev hlub qhia tshwm,

    Yog cia Leej Tub zaum rooj nom tswv.

    Vajtswv lub hom phiaj twb tshwm tas,

    Txhua tus saib lub Nceeg Vaj twb kav!

    (TXAIS)

    Cia txhua tus uas xav haus dej,

    Los haus dej kom cawm txojsia.

    Los haus dej, nej cov nqhis dej!

    Vajtswv kev hlub nplua mias.

  3.  3. Yehauvas yog kev hlub.

    Nws lub hwj huam qhia kom sib hlub.

    Rub siab ntev pab cov siab mos hlo,

    Qhia Nws txojcai rau txhua tus coj.

    Peb lub siab kub lug npuab nraim nws,

    Pab cob txhua tus lub siab lub ntsws.

    (TXAIS)

    Cia txhua tus uas xav haus dej,

    Los haus dej kom cawm txojsia.

    Los haus dej, nej cov nqhis dej!

    Vajtswv kev hlub nplua mias.