Hla mus rau

Mus rau lub haus paus tom ntej

Mus rau cov ntsiab lus

Yehauvas Cov Timkhawv

Hmoob Dawb

Lub Neej Thiab Tes Haujlwm Phau Kawm  |  Lub 9 Hlis Xyoo 2017

 LUB NEEJ KHIXATIA

Cob Qhia Kom Lawv Teev Tiam Yehauvas Tsis Tseg

Cob Qhia Kom Lawv Teev Tiam Yehauvas Tsis Tseg

Pom tias yog cob qhia cov uas nyuam qhuav pib tshaj tawm thaum ntxov kom kub siab mus qhia Vajlugkub tsis tu ncua ces lawv yuav txawj qhia heev. (P.L. 22:6; Flp. 3:16) Yuav kom pab tau ib tug kawm paub qhia Vajlugkub, yuav tau ua li no:

  • Thaum cov txwj laus pom zoo rau tus kawm mus tshaj tawm lawd ces pib cob nws tamsid. (km 8/15 1) Qhia rau nws tias tseem ceeb rau nws mus tshaj tawm txhua lub lim tiam. (Flp. 1:10) Hais zoo txog cov uas nyob hauv neb thaj tsam rau nws xwb. (Flp. 4:8) Txhawb kom nws mus qhia Vajlugkub nrog tus saib xyuas neb pawg thiab lwm tus tshaj tawm, xwv nws thiaj pom tias lawv ho tshaj tawm li cas.​—P.L. 1:5; km 10/12 7-8 ¶3

  • Tom qab tus kawm ua kevcai raus dej tas, rau siab txhawb thiab cob nws tsis tseg thaum mus tshaj tawm. Yimhuab tseem ceeb rau koj ua li no yog neb tseem kawm phau “Vajtswv Txojkev Hlub” tsis tau tas.​—km 12/13 7

  • Thaum koj mus qhia Vajlugkub nrog ib tug tshaj tawm tshiab, siv cov qauv uas yoojyim. Tom qab nws nrog ib tug tham tas, nco ntsoov qhuas nws. Qhia seb nws yuav ua li cas lwm zaus nws thiaj yimhuab txawj qhia.​—km-E 5/10 7