Lub Caij Lub Nyoog
1. Txoj sia zoo yam nkaus li teev dej nrog,
Nyob tib pliag xwb twb ploj lawm tag nrho.
Txoj kev hlub zoo li lub hnub dhau ib vuag,
Cia li muab rau tus neeg koj hlub, koj hmov tshua.
(TXAIS)
Kuv yuav ris kuv tsev neeg txiaj ntsig, kuv thiaj yuav tsis khuv xim,
Tsam sij hawm dhau mus lawm ces kuv xav txog lig.
Kuv mam saib kuv tsev neeg muaj nqis, hlub txhua tus huv tib si,
Vim kuv tuav tsis tau lub caij nyoog mus ib txhis.
Yam li tus dej uas ntws qas si, lub caij lub nyoog yeej ntws tas li.
2. Yehauvas ua txhua yam pub rau kuv,
Kuv yuav ris nws tus txiaj ntsig txhua hnub.
Kuv mam muab tag nrho kuv lub neej rau nws,
Nws tib leeg xwb thiaj yog tus Vajtswv uas kuv hwm.
(TXAIS)
Kuv yuav ris Vajtswv tus txiaj ntsig, kuv thiaj yuav tsis khuv xim,
Tsam sij hawm dhau mus lawm ces kuv xav txog lig.
Kuv mam saib Yehauvas muaj nqis, thiab teev tiam nws mus li,
Vim kuv tuav tsis tau lub caij nyoog mus ib txhis.
Yam li tus dej uas ntws qas si, lub caij lub nyoog yeej ntws tas li.
(HLOOV SUAB)
Yehauvas yeej yuav kho lub ntiaj teb no,
Rau txhua haiv tib neeg tau nyob,
Lub caij ntawd tsis muaj leej twg yuav nroo mob,
Txhua tus yuav nyob sov siab so.
(TXAIS)
Kuv yuav ris kuv tsev neeg txiaj ntsig, kuv thiaj yuav tsis khuv xim,
Tsam sij hawm dhau mus lawm ces kuv xav txog lig.
Kuv mam saib kuv tsev neeg muaj nqis, hlub txhua tus huv tib si,
Vim kuv tuav tsis tau lub caij nyoog mus ib txhis.
Yam li tus dej uas ntws qas si, lub caij lub nyoog yeej ntws tas li.
