Akhui kah kawngthli teng kan

Secondary menu te poe

Yehova Sausithli

Chin (Matu)

Thlangduekthli Koep Hing Ai Aw?

Thlangduekthli Koep Hing Ai Aw?

Metila na poek?

  • hing ai

  • hing nawh

  • hing mai thai

 BAIBUL THUINA

“Thawhkoepna awm ai.”—Celtuihthli 24:15.

NA DANG HAM KOEI THAIHUTHEN

Nalungna thlang a duek vengah hloepna.—2 Korinth 1:3, 4.

Duek rihna hui kalawng loeihna.—Hebrai 2:15.

Na lungna thlangduekthli on koep huhtunna ti ngaiuepna.—Johan 5:28, 29.

 BAIBUL AWL NA TANGNA TAKTAK AW?

Na tangna ham a yawlkoek pathum awm:

  • Pathen tah Hingna Akasuenkung ni. Yehova Pathen tah “hingna tuibaap” tila Baibul lawng a thui. (Saam 36:9; Celtuithli 17:24, 25) Thaihu soeprep hingna aka pekung lawng thlangduek thli koep a thawhsak thai taktak ai.

  • Yan kah thlangduekthli Pathen lawng a thawh sak. Koep a thawh thlang paret kawng te Baibul dawngah awm. Tekhuiah camoe, patawng, tawngpa,huta boeih thum uh. Khatsut tah duektih kawlkalh ah koep thou. Pakhat tah phuel khui ah hinli awm tih koep a thawh.—Johan 11:39-44.

  • Pathen lawng koep thawhsak ham a ringda. Yehova Pathen lawng duekna he a thiinatih ral la a huh. (1Korinth 15:26) Pathen lawng thlangduekthli a thawhsakna rang oen duekna te phe a ngaih. A mah lawng a ngaai thlangduek thli te a thawhsak vetih dilai dawngah koep awmsak a ngaih.—Joba 14:14, 15.

 POEK LAH

Mami tudawng patawng tih i’duek u?

He Awldoetna Aphi te Genesis 317-19 oen Rom 5:12 ah bueh.