Metila na poek?

  • na lungbui khui kah

  • thuinuet awl

  • van kah ukna

 BAIBUL THUINA

“Van Pathen lawng metuekah khaw phe la aka awm thai tlaih nawh ... ukna ram te a paisak ai.”Daniel 2:44.

“Mami tengah capa khat peek la awm pon, ukna tah ahih kah lengpang rawi sawah awm ai.”Isaiah 9:6.

NA DANG HAM KOEI THAIHUTHEN

  • Nang na dang ham akathen ukna.Isaiah 48:17, 18.

  • Hailam dilai thai ah akasoep sadingna oen awmngaihna.—Awlphawng 21:3, 4.

 BAIBUL AWL NA TANGNA TAKTAK AW?

Na tangna ham a yawlkoek pahih awm:

  • Pathen Ram lawng tunuem a coengsak ai tite Yisuh lawnga tuengsak. Yisuh lawngamakah hubangthli tengah Pathen Ram pai seh, Pathen kawngaihna dilai dawngah sai u hawn seh tila a cang pui. (Mathai 6:9, 10) Tekah thla camna metila nadang ai tite Yisuh lawng a tueng sak.

    Dilai ah awm vengah Yisuh lawng buhpawngthli a cah, thlangtlouthli a hoeih sak, thlangduekthli a thawh sak! (Mathai 15:29-38; Johan 11:38-44) Hailam Pathen Ram Ukkung Bawi Yisuh lawng a ram khui kah thlangthli ham a sai peh ham koei thli te a tueng sak sut.—Awlphawng 11:15.

  • Pathen Ram pai poen ai ti awl he dilai coengna lawng a cak sak. Pathen Ram lawng dilai ah roepna a paisak hlan tawm ah raltukna, khawkhaana, liklui awm ai tila Yisuh lawng a thui sut. —Mathai 24:3, 7.

    Tihin ah he ang coengnathli n’huh poen. Tedawngah Pathen Ram lawng he ang rainathli te a khum sak poen ai tite n’tangna thai.

 POEK LAH

Pathen Ram ukna huiah hingna he metilah awm ai?

He Awldoetna Aphi te SAAM 37:29 oen ISAIAH 65:21-23 ah bueh.