Metila na poek?

  • he tila awm poe ai

  • helak tare thee ai

  • helak tare then ai

 BAIBUL THUINA

“Pathen lawng ... a mikphi tuithli boeih boeih te a huih pe pon ai. Duekna, lungnat zaakna, koupaangna on rahna awm tlaih manawh, metitiah thaihu ruemthli tetah khum baat pon.”—Awlphawng 21:3, 4.

NA DANG HAM KOEI THAIHUTHEN

Awmngaihna bibi.—Isaiah 65:21-23.

Tlawhna, khawdeng patangna awm tlaih manawh.—Isaiah 25:8; 33:24.

Imkhuikaw, paza thli oen dungzan awmngaih cala hingna. —Saam 37:11, 29.

 BAIBUL AWL NA TANGNA TAKTAK AW?

Na tangna ham a yawlkoek pahih awm:

  • Pathen he a awl ang la Sai thaikung ni. Yehova Pathen he aboukoek tharana a khueh dawngah ahih bueng ni Bawi­lenkoek ti la Baibul lawng a thui. (Awlphawng 15:3) Te dawngah dilai athen tare ham ka sai ai ti awl a kueh angla a van sai tak tak ai. Baibul lawng, “Pathen hamla tah thaihu boeih boeih he coeng thai,” a ti.—Mathai 19:26.

  • Pathen he amah kah awl ang la sai ham a ngaih . Awlna maiah, Pathen lawng thlangduek boeih hingsak ham ba­roe a ngaih.—Joba 14:14, 15.

Pathen capa Yisuh lai han a awm veng thlangtlou thli a hoeih sak ti la Baibul khui ah a tel. Tudawng ah a hoeih sak. Tlawhna thli he a ngaihnawh dawng ah ni. (Marka 1:40, 41) Yisuh khaw anapa angla thlang boeih sading na ham a ngaih van.—Johan 14:9.

Te dawngah Yahova oen Yisuh lawng hailam ah mami boeih he awmngaihna oen khawsak ham angaih ti te m’ming thai!—Saam 72:12-14; 145:16; 2 Piter 3:9.

 POEK LAH

He dilai he a then tare ham Pathen lawng metila a thawleng ai?

Ming na ngaih ahtah Mathai 6:9, 10 oen Danial 2:44, 45 ah bueh.