Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG ATON CRISTIANONG PAGKABUHI KAG PAGMINISTERYO–WORKBOOK PARA SA MITING PEBRERO 2017

 MGA BAHANDI SA PULONG SANG DIOS | ISAIAS 58-62

“Pagbantala sang Tuig sang Maayong Kabubut-on ni Jehova”

“Pagbantala sang Tuig sang Maayong Kabubut-on ni Jehova”

Ang “tuig sang maayong kabubut-on ni Jehova” indi literal nga tuig

61:1, 2

  • Kalawigon ini sang tion nga ginahatag ni Jehova sa mga mahagop para makahimo sila sing aksion base sa iya proklamasyon sang kahilwayan

  • Sang unang siglo, ang tuig sang maayong kabubut-on nagsugod sang 29 C.E. sang si Jesus nag-umpisa sang iya ministeryo kag natapos sang “adlaw sang pagtimalos” ni Jehova sang malaglag ang Jerusalem sang 70 C.E.

  • Sa aton tion, ang tuig sang maayong kabubut-on nagsugod sang naghari si Jesus sa langit sang 1914 kag matapos ini sa dakung kapipit-an

Ginapakamaayo ni Jehova ang iya katawhan sing “dalagku nga mga kahoy sang pagkamatarong”

61:3, 4

  • Ang kalabanan sang pinakamataas nga kahoy sa kalibutan makita sa mga kagulangan kag nagatubo sila sing lapitanay para makabuligay

  • Ang dalagku nga mga gamot sini mahimo nga nagasamburanay amo nga indi ini madali matumba kon may bagyo

  • Ang mataas nga mga kahoy nagahandong sa bag-ong tubo nga mga kahoy. Ang mga dahon naman nga nagakadagas mangin abono sang duta

Ang tanan nga miembro sang Cristianong kongregasyon sa bilog nga kalibutan makabenepisyo man sa bulig kag proteksion sang “dalagku nga mga kahoy sang pagkamatarong,” ang mga hinaplas nga nagkalabilin