Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG ATON CRISTIANONG PAGKABUHI KAG PAGMINISTERYO–WORKBOOK PARA SA MITING PEBRERO 2017

 PAGKABUHI BILANG CRISTIANO

Gamita sing Maalamon ang Base sa Biblia nga mga Literatura

Gamita sing Maalamon ang Base sa Biblia nga mga Literatura

Si Jesus nagsiling: “Nakabaton kamo nga wala sing bayad, gani maghatag kamo nga wala sing bayad.” (Mat 10:8) Suno sa sining maathag nga panuytoy, wala naton ginapabayaran sa mga tawo ang Biblia ukon ang aton base sa Biblia nga mga literatura. (2Co 2:17) Bisan pa wala ini sing bayad, mabasa diri ang importante nga mga kamatuoran halin sa Pulong sang Dios. Daku gid ang panikasog kag gasto para maimprinta kag mapadala ini nga mga literatura sa mga kongregasyon sa bilog nga kalibutan. Gani, magkuha lang kita sang aton kinahanglan.

Mangin maalamon sa paghatag sing mga literatura bisan nagapanaksi kita sa publiko nga mga lugar. (Mat 7:6) Imbes nga ipanagtag lang ang literatura sa tanan nga nagaagi, maayo gid nga istoryahon sila para mabal-an kon bala interesado sila. Masabat mo bala sing huo ang bisan isa lang sa mga pamangkot sa kahon? Kon indi ka sigurado kon bala interesado gid sia, mas maayo nga hatagan sia sing tract. Pero kon mangayo sia sing magasin ukon sing iban pa nga publikasyon, hatagi sia.—Hul 3:27, 28.