Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG ATON CRISTIANONG PAGKABUHI KAG PAGMINISTERYO–WORKBOOK PARA SA MITING PEBRERO 2017

PAGKABUHI BILANG CRISTIANO

Buligi ang Inyo Kabataan nga Magpalambo sing Mabakod nga Pagtuo sa Manunuga

Buligi ang Inyo Kabataan nga Magpalambo sing Mabakod nga Pagtuo sa Manunuga

Ang mga tinuga nagapahayag sang himaya ni Jehova. (Sa 19:1-4; 139:14) Pero ang kalibutan sang Yawa naman nagatudlo sang nagapakahuya sa Dios nga mga teoriya parte sa ginsuguran sang kabuhi. (Ro 1:18-25) Ano ang himuon ninyo para indi maimpluwensiahan sini nga mga ideya ang hunahuna kag tagipusuon sang inyo kabataan? Samtang bata pa sila, buligi ang inyo kabataan nga magpalambo sing mabakod nga pagtuo nga nagaluntad si Jehova kag nagaulikid sia sa kada isa sa ila. (2Co 10:4, 5; Efe 6:16) Hibalua kon ano ang ila panghunahuna sa mga ginatudlo sa ila sa eskwelahan, kag panginpusli ang aton mga publikasyon kag ang iban pa nga galamiton para malab-ot ang ila tagipusuon.—Hul 20:5; San 1:19.

TAN-AWA ANG VIDEO NGA ANG GINASILING SANG IBAN—PAGPATI SA DIOS, DAYON BINAGBINAGA ANG MASUNOD NGA MGA PAMANGKOT:

  • Kon parte sa Dios, ano ang ginapatihan sang kalabanan nga tawo?

  • Ano ang ginatudlo sa inyo eskwelahan?

  • Ngaa nagapati ka gid nga nagaluntad si Jehova?

  • Paano mo mabuligan ang iban nga mapamatud-an nga gintuga sang Dios ang tanan nga butang?