Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG ATON CRISTIANONG PAGKABUHI KAG PAGMINISTERYO–WORKBOOK PARA SA MITING MAYO 2016

 PAGKABUHI BILANG CRISTIANO

Ginagamit Mo Bala ang JW Library?

Ginagamit Mo Bala ang JW Library?

Ang JW Library isa ka app (software application) nga wala sing bayad, kag puede mo ma-download ang Biblia kag ang iban pa nga publikasyon, mga video, kag audio sa imo cell phone, tablet, ukon kompyuter.

KON PAANO INI MATIGAYON: Magkonek sa Internet kag mag-install sang JW Library halin sa app store. Ini nga app ma-install sa lainlain nga device. Dayon buksi ang app kag pilia ang publikasyon nga gusto mo i-download sa imo device. Kon wala ka sing Internet sa balay, basi may Internet sa inyo Kingdom Hall, sa publiko nga librarya, ukon sa mga coffee shop. Kon na-download na ang mga publikasyon sa imo device, indi na kinahanglan magkonek sa Internet para mabuksan mo ini. Bangod regular nga may ginadugang nga mga feature sa JW Library, kinahanglan magkonek ka sa Internet kon kaisa kag i-install ang mga update sa app.

NGAA MAPUSLANON GID INI? Ang JW Library mahapos gamiton sa imo personal nga pagtuon kag sa mga miting sang kongregasyon. Mapuslanon man ini sa ministeryo ilabi na sa indi pormal nga pagpanaksi.