Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG ATON CRISTIANONG PAGKABUHI KAG PAGMINISTERYO–WORKBOOK PARA SA MITING MARSO 2016

 MANGIN EPEKTIBO SA MINISTERYO

Pagpauswag sang Aton Ikasarang sa Ministeryo—Maghimo sang Imo Presentasyon sa Magasin

Pagpauswag sang Aton Ikasarang sa Ministeryo—Maghimo sang Imo Presentasyon sa Magasin
TAN-AWA
Image
Text

KON NGAA IMPORTANTE: Bisan pa ang sampol nga mga presentasyon nga makita sa workbook para sa miting nagahatag sing mga ideya, mga balayan lamang ini. Dapat ipresentar mo ini sa imo kaugalingon nga mga tinaga. Mahimo gusto mo ang lain nga paagi ukon pamatyag mo mas interesado ang mga tawo sa iban nga topiko sa inyo teritoryo. Kon amo, kon mabasa mo na ang magasin, mabinagbinag ang sampol nga mga presentasyon, kag matan-aw ang mga pasundayag sa video, mahimo mo gamiton ang masunod nga mga panugda sa paghimo sang imo kaugalingon nga presentasyon.

KON PAANO INI HIMUON:

Pamangkuta ang imo kaugalingon, ‘Gamiton ko bala ang isa sa mga sampol nga presentasyon?’

HUO

  • Handai ang imo introduksion. Pagkatapos makapanamyaw, ihambal ang rason sang imo pagbisita. (Halimbawa: “Nagkadto ako diri bangod . . .”)

  • Binagbinaga kon paano mo sugpunon ang pamangkot, teksto, kag pagtanyag. (Halimbawa: Agod mabasa ang isa ka teksto, mahimo ka magsiling: “Ang sabat sa sina nga pamangkot mabasa diri.”)

INDI

  • Magpili sang isa ka topiko sa magasin nga nanamian mo kag makapainteres sa mga tawo sa inyo teritoryo

  • Maghanda sing pamangkot nga makapahunahuna kag makapahulag sa tagbalay nga mag-istorya pero indi man sia mahuy-an. (Halimbawa: Ang mga pamangkot sa pahina 2 sang mga magasin.)

  • Magpili sing teksto nga basahon. (Kon ginatanyag mo ang Magmata! puede nga indi ka magbasa sang teksto, bangod ini nga magasin gindesinyo para sa mga halos wala sing nahibaluan sa Biblia kag mahimo indi pa gani interesado sa relihion.)

  • Maghanda sing isa ukon duha ka dinalan nga nagapaathag sa tagbalay kon paano sia makabenepisyo sa pagbasa sang artikulo

BISAN DIIN MAN ANG PILION MO

  • Maghanda sing pamangkot nga pagasabton sa imo pagduaw liwat

  • Maghimo sing mga nota para indi mo malipatan ang imo isiling sa pagbalik