Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG ATON CRISTIANONG PAGKABUHI KAG PAGMINISTERYO–WORKBOOK PARA SA MITING MARSO 2016

 MGA BAHANDI SA PULONG SANG DIOS | ESTER 6-10

Gin-una ni Ester si Jehova kag ang Iya Katawhan

Gin-una ni Ester si Jehova kag ang Iya Katawhan
TAN-AWA
Image
Text

Si Ester maisog kag masinakripisyuhon sa pagpangapin kay Jehova kag sa Iya katawhan

8:3-5, 9

  • Hilway na sa katalagman sanday Ester kag Mardoqueo. Pero ang sugo ni Haman nga pamatyon ang tanan nga Judiyo nakalab-ot na sa bilog nga emperyo

  • Ginrisgo liwat ni Ester ang iya kabuhi, nagkadto sia sa hari nga wala ginpatawag. Naghibi sia para sa iya katawhan, kag nagpakitluoy sa iya bana nga bag-uhon ang mando

  • Ang mga layi nga ginpirmahan sang hari indi na puede bag-uhon. Gani ginhatagan sang hari sanday Ester kag Mardoqueo sing awtoridad nga maghimo sing bag-o nga sugo

Ginbuligan ni Jehova ang iya katawhan nga matigayon ang daku nga kadalag-an

8:10-14, 17

  • Ginpagua ang ikaduha nga proklamasyon, nga nagahatag sing kinamatarong sa mga Judiyo nga depensahan ang ila kaugalingon

  • Ginpahibalo ini sang mga manugkabayo sa bilog nga emperyo, kag ang mga Judiyo naghanda para sa inaway

  • Madamo nga katawhan ang nakakita sang pamatuod sang kahamuot sang Dios kag nangin Judiyo nga mga proselita