Sibu nga gintagna ni Jehova ang matabo sa palaabuton

Manugpana nga bantay sang hari sang Persia

“Pahininga ninyo ang inyo mga pana”

51:11, 28

  • Ang mga Medianhon kag Persianhon mga eksperto nga manugpana kag pana ang ila panguna nga armas. Ginapahining nila ang ila mga pana para madalom ang dulot sini

“Nag-untat sa pagpakig-away ang mga hangaway sang Babilonia”

51:30

  • Ang Nabonidus Chronicle nagsiling: “Ang hangaway ni Ciro nagsulod sa Babilonia nga wala sing pagpakig-away.” Buot silingon wala nagbato ang Babilonia kag nahisuno ini sa tagna ni Jeremias

Ang Nabonidus Chronicle

“Ang Babilonia mangin tinumpok nga mga bato [kag] mahapay ini tubtob san-o”

51:37, 62

  • Sugod sang 539 B.C.E., amat-amat nga nadula ang himaya sang Babilonia. Gusto tani ni Alejandro nga Daku nga himuon nga kapital ang Babilonia, pero napatay sia. Sang nagsugod ang panahon sang mga Cristiano, may mga Judiyo pa nga nagaistar sa Babilonia, amo nga nagbisita diri si apostol Pedro. Pero sang mga ikap-at nga siglo C.E., guba na ang siudad, kag sang ulihi wala na gid ini nga lugar

Ano ang epekto sa akon sang katumanan sang mga tagna sa Biblia?

 

Ano ang matudlo ko sa iban parte sa sini nga tagna?