Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG ATON CRISTIANONG PAGKABUHI KAG PAGMINISTERYO–WORKBOOK PARA SA MITING ENERO 2016

 PAGKABUHI BILANG CRISTIANO

Pagpauswag sang Aton Ikasarang sa Ministeryo—Pagpahamtang sing Sadsaran Para sa Pagduaw Liwat

Pagpauswag sang Aton Ikasarang sa Ministeryo—Pagpahamtang sing Sadsaran Para sa Pagduaw Liwat

KON NGAA IMPORTANTE:

Ginabunyagan naton ang binhi sang kamatuoran nga aton gintanom. (1Co 3:6) Kon may masapwan kita nga interesado, maayo nga magbilin kita sing pamangkot nga binagbinagon sa aton pagbalik. Makabulig ini nga kalangkagan sang tagbalay ang aton pagbalik kag mahandaan naton ang aton pagduaw liwat. Sa pagbalik naton, mahimo kita magsiling nga nagbalik kita para sabton ang pamangkot nga ginbilin naton sang nagligad.

KON PAANO INI HIMUON:

  • Kon nagahanda sang imo presentasyon para sa pagpamalaybalay, maghanda man sing pamangkot nga sabton sa masunod nga pagduaw. Mahimo nga ang sabat sa sini makita sa literatura nga itanyag mo. Ukon ginasabat ini sang isa ka publikasyon nga ginagamit naton sa pagtuon, nga ginaplano mo nga gamiton sa pagbalik sa iya.

  • Antes ka maghalin, hambala sia nga luyag mo padayunon ang inyo pag-istoryahanay, dayon magbilin sing pamangkot nga ginhanda mo. Pangayua ang numero sang iya telepono kon posible.

  • Kon nagtug-an ka sa iya nga magbalik sa espesipiko nga oras, tumana ini.—Mat 5:37.