Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Pagkabuhi kag Pagministeryo nga Workbook Para sa Miting  |  Disiembre 2016

 PAGKABUHI BILANG CRISTIANO

“Yari Ako! Ipadala Ako!”

“Yari Ako! Ipadala Ako!”

Ang kahanda ni Isaias maayo gid nga sundon. Nagpakita sia sing pagtuo kag gilayon nga nagsabat sang kinahanglan ang bulig bisan pa wala niya mabal-an ang tanan nga detalye. (Isa 6:8) Ma-adjust mo bala ang imo kahimtangan para makaalagad ka sa lugar nga nagakinahanglan sing mas madamo nga manugbantala sang Ginharian? (Sa 110:3) Siempre, kinahanglan anay nga ‘sumahon ang gasto’ sa sini nga pagsaylo. (Lu 14:27, 28) Pero, mangin handa sa pagsakripisyo para sa pagbantala nga hilikuton. (Mat 8:20; Mar 10:28-30) Pareho sa makita sa video nga Pagsaylo Agod Mag-alagad sa Lugar nga Mas Daku ang Kinahanglanon, ang aton mga ginsakripisyo diutay lang kon ikumparar sa mga pagpakamaayo nga aton mabaton sa pag-alagad kay Jehova.

PAGKATAPOS MATAN-AW ANG VIDEO, SABTI ANG MASUNOD NGA MGA PAMANGKOT:

  • Ano nga mga sakripisyo ang ginhimo sang mga miembro sang pamilya Williams para makaalagad sila sa Ecuador?

  • Ano nga mga butang ang ila ginbinagbinag sa pagpili sang lugar nga ila sayluhan?

  • Ano nga mga pagpakamaayo ang ila nabaton?

  • Sa diin ka makakita sing dugang nga impormasyon parte sa pag-alagad sa mga lugar nga nagakinahanglan sing mas madamo nga manugbantala?

SA INYO MASUNOD NGA PANGPAMILYA NGA PAGSIMBA, ISTORYAHI NINYO ANG MASUNOD NGA MGA PAMANGKOT:

  • Paano naton mapasangkad ang aton ministeryo bilang pamilya? (km 8/11 4-6)

  • Kon indi kita makaalagad sa lugar nga nagakinahanglan sing mas madamo nga manugbantala, ano ang puede naton mahimo para makabulig sa aton kongregasyon? (w16.03 23-25)