Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG ATON CRISTIANONG PAGKABUHI KAG PAGMINISTERYO–WORKBOOK PARA SA MITING ABRIL 2016

 MANGIN EPEKTIBO SA MINISTERYO

Kampanya sa Pagpanagtag sing Imbitasyon Para sa Kombension

Kampanya sa Pagpanagtag sing Imbitasyon Para sa Kombension

Kada tuig, ginakalangkagan naton ang espirituwal nga kapiestahan sa aton rehiyonal nga mga kombension. Agod matilawan man sang iban ang kaayo ni Jehova, agdahon naton ang madamo sa pagtambong upod sa aton. (Sa 34:8) Pat-uron sang hubon sang mga gulang ang pinakamaayo nga pagpanagtag sing imbitasyon.

MGA DAPAT DUMDUMON

  • San-o ang amon kombension?

  • San-o masugod ang kampanya sa amon kongregasyon?

  • Ano ang iskedyul sang mga miting para sa pag-alagad sa amon kongregasyon?

  • Ano ang akon mga tulumuron sa kampanya?

  • Sin-o ang puede ko imbitahon?

ANO ANG ISILING MO?

Pagkatapos makapanamyaw, mahimo ka magsiling:

“Nagapakigbahin kami sa bug-os kalibutan nga kampanya sang pagpanagtag sini nga imbitasyon para sa importante nga pagtilipon. Yara sa imbitasyon ang petsa, oras, kag adres. Malipay gid kami kon makatambong ka upod sa amon.”

PAANO MO MAPALAMBO ANG INTERES?

Bisan pa gusto naton maimbitar ang madamo nga tawo sa kombension, dapat alisto kita sa pagpalambo sang interes nga ginapakita sang iban.

Kon Sabado kag Domingo, mahimo itanyag ang magasin upod ang imbitasyon.