Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Mag-amba kay Jehova

 Ambahanon 33

Indi Magkahadlok sa Ila!

Indi Magkahadlok sa Ila!

(Mateo 10:28)

1. Ang maayo nga balita

Inyo nga ibantala.

Indi gid mahangawa

Sa mga pagyaguta.

Ang Yawa gikan sa langit

Gintagbong na ni Jesus,

Kag indi na magadugay

Gapuson n’ya sing bug-os.

(KORO)

Akon mga pinalangga,

’Di mahadlok sa ila.

Kon huptan n’yo ang katutom

Kamo akon luwason.

2. Madamo man ang kaaway

Kag sila mangyaguta.

Apang sa hambal nila

Indi gid magpadaya.

Indi mahadlok sa ila

Akon mga hangaway,

Kay kamo akon buligan

Sa inyo pakig-away.

(KORO)

Akon mga pinalangga,

’Di mahadlok sa ila.

Kon huptan n’yo ang katutom

Kamo akon luwason.

 3. Indi ko kamo kalimtan

Gani magpakalig-on.

Kon kamo pagapatyon

Kamo akon banhawon.

Ang ila mga pamahog

’Di dapat kahadlukan.

Hupti ninyo ang katutom

Tubtob sa katapusan.

(KORO)

Akon mga pinalangga,

’Di mahadlok sa ila.

Kon huptan n’yo ang katutom

Kamo akon luwason.