Magaluntad pa ayhan ang matuod nga hustisya sa kalibutan?

Ano ang masiling mo?

  • Huo

  • Indi

  • Siguro

Ang ginasiling sang Biblia

“Nahibaluan ko nga pangapinan ni Jehova ang mga kubos kag hatagan sing katarungan ang mga imol.” (Salmo 140:12) Paluntaron sang Ginharian sang Dios ang matuod nga hustisya.

Ano pa ang matun-an naton sa Biblia?

  • Nakita sang Dios ang inhustisya nga nagakatabo subong sa kalibutan, kag dulaon niya ini.—Manugwali 5:8.

  • Ang hustisya sang Dios magapaluntad sing paghidait kag kalig-unan sa kalibutan.—Isaias 32:16-18.

Ang Dios bala may ginapaboran nga isa ka grupo sang mga tawo?

Ang pila ka tawo nagapati

nga may espesipiko nga mga grupo sang mga tawo nga ginapakamaayo ukon ginapakamalaut sang Dios, pero nagapati naman ang iban nga alalangay ang pagtamod sang Dios sa tanan nga tawo. Ano sa banta mo?

Ang ginasiling sang Biblia

“Ang Dios wala sing ginapasulabi, apang sa tagsa ka pungsod, nahamuot sia sa tawo nga nagakahadlok sa iya kag nagahimo sing matarong.” (Binuhatan 10:34, 35) Sa pagtamod sang Dios, alalangay ang tanan nga tawo.

Ano pa ang matun-an naton sa Biblia?

  • Ang Biblia may “maayong balita” para sa “tagsa ka pungsod kag tribo kag hambal kag katawhan.”—Bugna 14:6.