Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN NUM. 1 2017

 TOPIKO SA KOBER | PAANO KA PA GID MAKABENEPISYO SA PAGBASA SING BIBLIA

Ano ang Mabulig sang Biblia sa Akon?

Ano ang Mabulig sang Biblia sa Akon?

Ang Biblia indi ordinaryo nga libro. Nagaunod ini sing mga laygay sang aton Manunuga. (2 Timoteo 3:16) Ang mensahe sini makaimpluwensia sa aton sing daku. Ang matuod, ang Biblia nagasiling: “Ang pulong sang Dios buhi kag gamhanan.” (Hebreo 4:12) May gahom ini sa pagbulig sa aton sa duha ka paagi. Una, mapauswag sini ang aton kabuhi subong, kag ikaduha, makilala naton ang Dios kag mahibaluan ang iya mga promisa.—1 Timoteo 4:8; Santiago 4:8.

Mapauswag sini ang imo kabuhi subong. Ang Biblia makabulig sa imo sa personal nga mga butang. Nagahatag ini sing laygay parte sa masunod.

Ang bataon pa nga mag-asawa sa Asia nag-apresyar gid sa laygay sang Biblia. Pareho sa madamo nga bag-o lang nga mag-asawa, nabudlayan man sila sa pag-adjust sa lainlain nila nga mga personalidad kag sa ila komunikasyon. Pero gin-aplikar nila ang ila nabasa sa Biblia. Ano ang resulta? Ang bana nga si Vicent nagsiling: “Ang nabasa ko sa Biblia nakabulig sa akon nga solbaron ang mga problema sa amon pag-asawahay sa mahigugmaon nga paagi. Bangod ginasunod namon ang laygay sang Biblia, nangin malipayon ang amon pag-asawahay.” Nagaugyon man ang iya asawa nga si Annalou: “Ang nabasa namon nga mga halimbawa sa Biblia nakabulig sa amon. Malipayon na ako subong kag kontento sa amon pag-asawahay kag sa amon mga tulumuron sa kabuhi.”

Makilala mo ang Dios. Magluwas sa ginsiling ni Vicent parte sa pag-asawahay, nagsiling man sia: “Bangod sang pagbasa ko sa Biblia, nangin mas suod pa gid ako subong kay Jehova.” Ang eksperiensia ni Vicent nagapadaku sang importante nga punto—nga ang Biblia makabulig sa imo nga makilala ang Dios. Bilang resulta, indi ka lang makabenepisyo sa iya laygay kundi makilala mo man sia bilang isa ka abyan. Kag matun-an mo nga may ginasugid sia nga mga detalye parte sa mas maayo nga palaabuton, ang tion nga mabaton mo ang “matuod nga kabuhi”—ang kabuhi nga wala sing katapusan. (1 Timoteo 6:19) Wala na sing iban pa nga libro nga makahatag sini.

Kon nasugdan mo na ang pagbasa sing Biblia kag gusto mo padayunon ini, mabaton mo man ina nga mga benepisyo—magauswag ang imo kabuhi subong kag makilala mo ang Dios. Pero samtang ginabasa mo ang Biblia, mahimo nga may mga pamangkot ka. Kon matabo ini, dumduma ang maayo nga halimbawa sang Etiopianhon nga opisyal nga nagkabuhi sang nagligad nga 2,000 ka tuig. Madamo sia sing pamangkot parte sa Biblia. Sang ginpamangkot sia kon naintiendihan niya ang iya ginabasa, nagsabat sia: “Paano ko ini mahangpan kon wala sing magpaathag sa akon?” * Handa niya nga ginbaton ang bulig sang isa nga kalipikado sa pagtudlo sang Biblia, si Felipe, ang isa sa mga nauna nga disipulo ni Jesus. (Binuhatan 8:30, 31, 34) Sing kaanggid, kon gusto mo pa gid tun-an ang Biblia, ginaagda ka namon nga ipadala ang imo pangabay online sa www.jw.org ukon magsulat sa pinakamalapit nga adres nga nalista sa sini nga magasin. Mahimo mo man kontakon ang mga Saksi ni Jehova nga malapit sa inyo ukon magkadto sa Kingdom Hall sa inyo lugar. Gani, sugdi ang pagbasa sing Biblia subong kag tuguti ini nga maggiya sa imo sa mas maayo nga kabuhi.

Kon nagaduhaduha ka kon bala masaligan gid man ang Biblia, mahimo mo tan-awon ang malip-ot nga video nga Ngaa Makasiguro Kita nga Husto ang Ginasiling sang Biblia? Makita mo ini paagi sa pag-scan sang code ukon pagkadto sa website nga jw.org/hil

^ par. 8 Para sa iban pa nga halimbawa sang praktikal nga laygay sang Biblia, kadtui ang amon website nga jw.org/hil. Tan-awa ang PANUDLO SANG BIBLIA > SABAT SA MGA PAMANGKOT SA BIBLIA.

^ par. 11 Tan-awa man ang artikulo sa sini nga isyu nga may tig-ulo “Importante Gid Bala ang Husto nga Paghangop?

Magtuon sing Dugang Pa

Paano ang mga Prinsipio sa Biblia Makabulig sa Aton?

Ginpaathag ni Jesus kon ngaa kinahanglan naton ang panuytoy kag kon ano ang duha ka panguna kag pinakaimportante nga prinsipio sa Biblia.

Ano ang mga Paagi Para Maintiendihan ang Biblia?

Bisan ano man ang imo gindak-an, mahimo mo maintiendihan ang mensahe sang Dios nga ara sa Balaan nga Kasulatan.

Nagabatyag Ka Bala nga Suod sa Dios?

Minilyon ang kumbinsido nga ginakabig sila sang Dios nga iya abyan.

May Ngalan Bala ang Dios?

Ang Dios may madamo nga titulo, lakip ang Labing Gamhanan, Manunuga, kag Ginuo. Pero ang personal nga ngalan sang Dios gingamit sing mga 7,000 ka beses sa Biblia.