Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Ang Lalantawan  |  Nobiembre 2015

Sabat sa mga Pamangkot sa Biblia

Sabat sa mga Pamangkot sa Biblia

Mabuhi pa bala ang mga patay?

Ang Manunuga sang kabuhi makasarang gid sa pagbalik sang kabuhi

Si Jehova nga Dios ang Tuburan sang kabuhi. (Salmo 36:9) Gani, indi bala rasonable lang nga masarangan ibalik sini nga Dios ang kabuhi sang mga napatay? Ginapasalig kita sang Biblia nga amo gid sini ang iya himuon sa palaabuton. (Basaha ang Binuhatan 24:15) Apang ngaa himuon niya ini?

Katuyuan sang aton Manunuga nga magkabuhi ang tawo sa duta sing walay katapusan. (Genesis 1:31; 2:15-17) Amo sini gihapon ang iya handum para sa katawhan. Nasakitan gid sia nga makita ang nagakatabo sa aton karon—ang kabuhi nga tuman kalip-ot kag puno sing problema.—Basaha ang Job 14:1, 14, 15.

Diin magaistar ang mga banhawon?

Gintuga bala sang Dios ang tawo nga mag-istar sa langit? Wala. Gintuga sang Dios ang mga anghel nga mag-istar sa langit. Apang gintuga niya ang mga tawo nga mag-istar sa duta. (Genesis 1:28; Job 38:4, 7) Base sa sini, binagbinaga ang ginhimo ni Jesus nga mga pagbanhaw. Ginbalik niya ang kabuhi sang mga tawo diri sa duta. Sing kaanggid, ang kalabanan nga banhawon sa palaabuton magakabuhi sa duta.Basaha ang Juan 5:28, 29; 11:44.

Apang ginpili sang Dios ang pila ka tawo nga banhawon agod magkabuhi sa langit, diin hatagan sila sing espirituwal nga lawas. (Lucas 12:32; 1 Corinto 15:49, 50) Ang mga banhawon pakadto sa langit magagahom sa duta subong hari kaupod sang Cristo.—Basaha ang Bugna 5:9, 10.

 

Magtuon sing Dugang Pa

SABAT SA MGA PAMANGKOT SA BIBLIA

Ano ang Pagkabanhaw?

Mahimo makibot ka kon sin-o ang pagabanhawon.