Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN OKTUBRE 2015

Sabat sa mga Pamangkot sa Biblia

Sabat sa mga Pamangkot sa Biblia

Posible bala ang kalibutan nga wala sing kaimulon?

Paano paluntaron sang Dios ang isa ka kalibutan nga wala sing kaimulon?—Mateo 6:9, 10.

Ang sobra nga kaimulon nagapatay sang minilyon kada tuig bangod sang malnutrisyon kag balatian. Bisan pa may mga bahin sang kalibutan nga manggaranon, mas madamo nga tawo ang tama ka imol. Ginapakita sang Biblia nga ang kaimulon madugay na nga problema sang mga tawo.—Basaha ang Juan 12:8.

Agod madula ang kaimulon, kinahanglan ang isa ka gobierno sa kalibutan. Ina nga gobierno dapat may gahom sa pagpanagtag sa kinahanglanon sang tawo sing alalangay kag makapauntat sang mga inaway, nga amo ang panguna nga rason sang kaimulon. Ginsaad sang Dios ina nga gobierno.—Basaha ang Daniel 2:44.

Sin-o ang makadula sang kaimulon?

Gintangdo sang Dios ang iya Anak, si Jesus, nga maggahom sa tanan nga tawo. (Salmo 2:4-8) Luwason ni Jesus ang mga imol kag dulaon niya ang pagpamigos kag pagpamintas.—Basaha ang Salmo 72:8, 12-14.

Subong ang gintagna nga “Prinsipe sang Paghidait,” paluntaron ni Jesus ang paghidait kag kalig-unan sa bilog nga kalibutan. Dayon ang tanan sa duta magaistar sa ila kaugalingon nga balay, may makalilipay nga trabaho, kag madamo sing pagkaon.—Basaha ang Isaias 9:6, 7; 65:21-23.

 

Magtuon sing Dugang Pa

Ano ang Himuon ni Jesus sa Palaabuton?

Nagapanghikot si Jesus para paluntaron ang paghidait sa duta.

Posible Ayhan nga Mangin Isa Lang ang Aton Gobierno sa Bug-os nga Kalibutan?

Handurawa ang paghidait kag kalig-unan nga paluntaron sang isa ka bug-os kalibutan nga gobierno. Ngaa makasalig kita nga magatukod ang Dios sing subong sini nga sahi sang gobierno? Sin-o ang nagakabagay nga manuggahom sa sini?