Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN SEPTIEMBRE 2015

 TOPIKO SA KOBER | SIN-O ANG MGA SAKSI NI JEHOVA?

Paano Ginasuportahan sa Pinansial ang Amon Ministeryo?

Paano Ginasuportahan sa Pinansial ang Amon Ministeryo?

Kada tuig, nagaimprinta kami kag nagapanagtag sing ginatos ka milyon nga Biblia kag literatura sa Biblia. Nagapatindog kami kag nagapalakat sing mga sanga talatapan kag mga imprintahan sa bilog nga kalibutan. Linibo ka kongregasyon ang nagatipon sa simple pero matahom nga mga duog sang pagsimba nga ginatawag Kingdom Hall. Sin-o ang nagabayad sini tanan?

Ang amon hilikuton bug-os nga ginasuportahan paagi sa boluntaryo nga mga donasyon. (2 Corinto 9:7) Sang 1879, ang ikaduha nga isyu sini nga magasin nagsiling: “Nagapati kami nga ang ‘Zion’s Watch Tower’ [nga amo sadto ang tawag sa sini nga magasin] ginasakdag ni JEHOVA, kag gani indi gid ini magpakilimos ukon makiluoy sing bulig sa mga tawo.” Amo gihapon sini ang amon pagsulundan.

Ang mga donasyon direkta nga ginapadala sa isa sa amon mga sanga talatapan ukon ginahulog sa contribution box sa kada Kingdom Hall. Pero wala kami sing diesmos, wala nagapangolekta, kag wala nagapabayad para sa amon mga serbisyo ukon mga publikasyon. Wala kami ginabayaran sa pagbantala, sa pagtudlo sa kongregasyon, ukon sa pagbulig sa pagpatindog sing mga duog sang pagsimba. Kay man, si Jesus nagsiling: “Nakabaton kamo nga wala sing bayad, gani maghatag kamo nga wala sing bayad.” (Mateo 10:8) Ang tanan nga ministro sa amon mga sanga talatapan kag sa amon ulong talatapan, pati na ang mga katapo sang Nagadumala nga Hubon sang mga Saksi ni Jehova, wala sing sueldo nga mga miembro sang relihioso nga organisasyon.

“Pareho sa tanan nga hilikuton sang mga Saksi ni Jehova, ang pondo nga natipon boluntaryo nga ginahatag, ang kada isa personal nga nagadesisyon kon pila kag kon san-o niya gusto maghatag sing ‘donasyon.’”—European Court of Human Rights, 2011

Ang mga donasyon ginagamit man sa pagbulig sa mga biktima sang kalamidad. Ang mga Cristiano sang una nalipay man sa paghatag sing amot para sa mga nagakinahanglan sing bulig. (Roma 15:26) Ginabuligan man namon ang mga biktima paagi sa pagkay-o sang ila balay kag mga duog sang pagsimba kag paagi sa paghatag sa ila sing pagkaon, bayo, kag bulong.

Magtuon sing Dugang Pa

Paano Kita Makabulig sa mga Kinahanglanon sang Iban?

Hibalua kon paano ang donasyon sa bug-os kalibutan nga hilikuton sang mga Saksi ni Jehova nakabulig sa pag-atipan sang pisikal kag espirituwal nga mga kinahanglanon sang iban.