Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN SEPTIEMBRE 2015

 TOPIKO SA KOBER | SIN-O ANG MGA SAKSI NI JEHOVA?

Ano ang Ginapatihan sang mga Saksi ni Jehova?

Ano ang Ginapatihan sang mga Saksi ni Jehova?

Ang mga Saksi ni Jehova nagapati nga “ang pagsulat sa bug-os nga Kasulatan gintuytuyan sang Dios.” (2 Timoteo 3:16) Ginagamit namon ang Biblia bilang mapuslanon nga giya sa pagtuon parte sa Manunuga kag sa pagtigayon sing kabuhi nga may katuyuan.

Ang Biblia nagasiling: “Kabay nga mahibaluan sang mga tawo nga ikaw, nga ang ngalan amo si Jehova, ikaw lamang ang Labing Mataas sa bug-os nga duta.” (Salmo 83:18) Gani si Jehova nga Dios lamang ang amon ginasimba kag bilang iya mga Saksi, ginapanikasugan gid namon nga ipakilala ang iya personal nga ngalan.Isaias 43:10-12.

Bilang mga Cristiano, nagapati kami nga si Jesus, “ang Anak sang Dios,” * nagkari sa duta kag nangin Mesias. (Juan 1:34, 41; 4:25, 26) Sang napatay sia, ginbanhaw sia pakadto sa langit. (1 Corinto 15:3, 4) Sang ulihi, nangin Hari sia sang Ginharian sang Dios. (Bugna 11:15) Ina nga Ginharian isa ka matuod nga gobierno nga magahimo sang duta nga isa ka Paraiso. (Daniel 2:44) “Ang mga mahagop magapanubli sang duta, kag mangin malipayon gid sila sa bugana nga paghidait,” siling sang Biblia.Salmo 37:11, 29.

“Kon nagabasa sila sing Biblia, nagapati sila nga ang Dios nagapakighambal sa ila. Kon may problema sila, ginabasa nila ang Pulong sang Dios kag ginapangita diri ang solusyon. . . . Para sa ila, ang Pulong sang Dios buhi gihapon.”—Katoliko nga klerigo nga si Benjamin Cherayath, Münsterländische Volkszeitung nga pamantalaan, Germany

Ang mga Saksi ni Jehova nagapati nga ang mga prinsipio sa Biblia makahatag sing kaayuhan sa mga tawo karon. (Isaias 48:17, 18) Gani ginasunod gid namon ina nga mga prinsipio. Halimbawa, bangod ginapaandaman kami sang Biblia nga likawan ang mga buhat nga nagapahigko sang hunahuna kag lawas, wala kami nagapanigarilyo ukon nagadroga. (2 Corinto 7:1) Ginalikawan man namon ang mga buhat nga espesipiko nga ginapakamalaut sang Biblia, pareho sang pagpahubog, seksuwal nga imoralidad, kag pagpangawat.1 Corinto 6:9-11.

^ par. 5 Ginapatuhuyan man sang Biblia si Jesus subong “bugtong nga Anak sang Dios” bangod sia ang una kag sia lamang ang direkta nga gintuga ni Jehova.Juan 3:18; Colosas 1:13-15.

Magtuon sing Dugang Pa

Ano ang Ginapatihan sang mga Saksi ni Jehova?

Hibalua ang 15 sa amon panguna nga mga ginapatihan.

Nagapati Bala ang mga Saksi ni Jehova nga Sila Lang ang Matuod nga Relihion?

Nagsiling bala si Jesus nga madamo ang dalan padulong sa kaluwasan?