Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN SEPTIEMBRE 2015

Sabat sa mga Pamangkot sa Biblia

Sabat sa mga Pamangkot sa Biblia

Ngaa may mga tagna sa Biblia?

Ngaa ginalaragway sang Biblia ang mga hitabo sa aton tion?Lucas 21:10, 11.

Madamo sing detalyado nga mga tagna ang mabasa sa Biblia. Wala sing tawo nga detalyado nga makasugid parte sa palaabuton. Gani ang katumanan sang mga tagna sa Biblia nagahatag sing makapakumbinsi nga pamatuod nga ang Biblia Pulong sang Dios.Basaha ang Josue 23:14; 2 Pedro 1:20, 21.

Ang natuman na nga mga tagna sa Biblia nagahatag sa aton sing mabakod nga basihan sa pagtuo sa Dios. (Hebreo 11:1) Nagapasalig man ini sa aton nga matuman ang mga saad sang Dios parte sa mas maayo nga palaabuton. Gani ang mga tagna sa Biblia nagahatag sa aton sing sigurado nga paglaum.Basaha ang Salmo 37:29; Roma 15:4.

Paano makabulig sa aton ang mga tagna sa Biblia?

Ang pila ka tagna nagapaandam sa mga alagad sang Dios sang dapat nila himuon. Halimbawa, sang nakita sang mga Cristiano sang unang siglo nga natuman ang pila ka tagna, naghalin sila sa Jerusalem. Sang ulihi, sang ginlaglag ang siudad bangod ang kalabanan nga tawo diri nagsikway kay Jesus, ang mga Cristiano yara na sa malayo nga lugar kag luwas sa katalagman.Basaha ang Lucas 21:20-22.

Sa karon, ginapakita sang natuman nga mga tagna nga malapit na tapuson sang Ginharian sang Dios ang mga ginharian kag mga gobierno sang tawo. (Daniel 2:44; Lucas 21:31) Gani hilingagawon nga maghulag karon ang tagsa ka tawo agod matigayon ang kahamuot sang gintangdo sang Dios nga Hari, si Jesucristo.Basaha ang Lucas 21:34-36.

 

Magtuon sing Dugang Pa

Ano ang Ginharian sang Dios?

Binagbinaga kon ngaa ang gobierno sang Dios labaw sa tanan nga gobierno.

Paano Gintagna ni Daniel ang Pag-abot sang Mesias?

Sobra 500 ka tuig pa antes natabo, ginpahayag sang Dios ang eksakto nga tion sang pag-abot sang Mesias. Tun-i ining dalayawon gid nga tagna!