Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN PEBRERO 2015

Sabat sa mga Pamangkot sa Biblia

Sabat sa mga Pamangkot sa Biblia

Posible ayhan nga mangin isa lang ang aton gobierno sa bug-os nga kalibutan?

Paano mahiusa sang bug-os nga kalibutan nga gobierno ang mga tawo sang tanan nga pungsod? Isaias 32:1, 17; 54:13

Handurawa kon ano ang kapuslanan sa mga tawo kon isa lang ang gobierno sa kalibutan. Sa karon, madamo ang nagaantos bangod tuman sila ka imol, samtang ang iban naman puerte ka manggaranon. Pero sa idalom sang isa ka maluluy-on nga bug-os kalibutan nga gobierno, ihatag sa tanan nga tawo ang ila mga kinahanglanon. Sa banta mo ayhan makatukod ang tawo sini nga sahi sang gobierno?—Basaha ang Jeremias 10:23.

Sa bug-os nga maragtas sang tawo, napaslawan ang mga gobierno nga atipanon ang ila mga sakop, ilabi na gid ang mga imol. Ang iban nga gobierno mapintas pa gani. (Manugwali 4:1; 8:9) Pero nagsaad ang Labing Gamhanan nga Dios nga magatukod sia sing gobierno nga magabulos sa tanan nga gobierno sang tawo. Atipanon gid sang Manuggahom sini ang tanan nga mga tawo.—Basaha ang Isaias 11:4; Daniel 2:44.

Ano ang himuon sang Ginharian sang Dios?

Nagpili si Jehova nga Dios sing maayo gid nga Manuggahom sa kalibutan—ang iya Anak nga si Jesus. (Lucas 1:31-33) Sang si Jesus nagkabuhi subong tawo diri sa duta, interesado gid sia sa pagbulig sa mga tawo. Subong Hari, pahanabuon niya nga maghiusa ang mga tawo sang tanan nga pungsod kag dulaon niya ang tanan nila nga pag-antos.—Basaha ang Salmo 72:8, 12-14.

Batunon bala sang tanan nga tawo si Jesus subong Manuggahom? Indi. Pero mapailubon si Jehova. (2 Pedro 3:9) Ginahatagan Niya ang mga tawo sing kahigayunan nga batunon si Jesus subong Manuggahom. Sa indi madugay, dulaon ni Jesus sa duta ang malain nga mga tawo kag paluntaron niya ang paghidait kag kalig-unan sa bug-os nga kalibutan.—Basaha ang Miqueas 4:3, 4.

 

Magtuon sing Dugang Pa

Ano ang Ginharian sang Dios?

Madamo ang nakahibalo sang Pangamuyo sang Ginuo. Ano ang buot silingon sang, “Magkari ang imo Ginharian”?

Matukod Bala ang Dios sang Isa Lang ka Gobierno sa Kalibutan?

Ang mga problema sang mga tawo masami nga nagaapektar sa bilog nga kalibutan. Ang solusyon bala amo ang isa ka gumalahom sang kalibutan?