Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN DISIEMBRE 2014

Sabat sa mga Pamangkot sa Biblia

Sabat sa mga Pamangkot sa Biblia

Paano matun-an sang kabataan nga higugmaon ang Dios?

Itudlo sa imo kabataan ang leksion halin sa mga tinuga para mabuligan sila nga makilala kag higugmaon ang Dios

Matun-an lang sang imo kabataan nga higugmaon ang Dios kon kumbinsido sila nga nagaluntad sia kag ginahigugma niya sila. Para higugmaon ang Dios dapat nila sia makilala. (1 Juan 4:8) Halimbawa, dapat nila mahibaluan: Ano ang katuyuan sang Dios sa pagtuga sang tawo? Ngaa gintugutan sang Dios ang pag-antos? Ano ang himuon sang Dios sa katawhan sa palaabuton?Basaha ang Filipos 1:9.

Para mabuligan ang kabataan nga higugmaon ang Dios, dapat ipakita mo nga ginahigugma mo man sia. Kon makita nila ini, pat-od gid nga sundon nila ang imo halimbawa.Basaha ang Deuteronomio 6:5-7; Hulubaton 22:6.

Paano mo malab-ot ang tagipusuon sang imo kabataan?

Gamhanan ang Pulong sang Dios. (Hebreo 4:12) Gani buligi ang imo kabataan nga matun-an ang sadsaran nga panudlo sini. Para malab-ot ang tagipusuon sang mga tawo, si Jesus nagpamangkot, nagpamati, kag nagpaathag halin sa Kasulatan. Para malab-ot ang tagipusuon sang imo kabataan, mahimo mo ilugon ang pamaagi sang pagtudlo ni Jesus.Basaha ang Lucas 24:15-19, 27, 32.

Ang mga rekord sang Biblia parte sa pagpakig-angot sang Dios sa mga tawo makabulig sa kabataan nga kilalahon kag higugmaon sia. Ang mga publikasyon nga gindesinyo para sa sini makita sa www.jw.org/hil.Basaha ang 2 Timoteo 3:16.

 

Magtuon sing Dugang Pa

Paano Mangin Malipayon ang Inyo Pamilya?

Ang gugma ni Jesus isa ka halimbawa nga masunod sang mga bana, asawa, ginikanan, kag mga bata. Ano ang matun-an naton sa iya?

Mangin Abyan ni Jehova

Ining mga animated video, mga kanta, kag halampangan nga puede ma-print makabulig sa kabataan nga matun-an ang importante nga mga leksion parte sa pagpahalipay sa Dios.