Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN NOBIEMBRE 2014

Sabat sa mga Pamangkot sa Biblia

Sabat sa mga Pamangkot sa Biblia

May ginbanhaw gid man bala si Jesus?

Ginbanhaw ni Jesus si Lazaro paagi sa pagtawag sa iya nga maggua sa lulubngan

Maathag nga ginsiling sa Biblia nga may ginbanhaw si Jesus. Yadto nga mga rekord indi uluistorya lang, kundi natabo sa matuod nga mga duog kag espesipiko nga mga tion. Halimbawa, sang tig-ilinit sang katuigan 31 C.E., isa ka daku nga kadam-an ang naglakbay kaupod ni Jesus halin sa Capernaum pakadto sa Nain. Pag-abot didto, nasugata nila ang isa pa ka kadam-an. Masaligan mo ang masunod nga pagbanhaw kay ginrekord ini sa Pulong sang Dios, ang Biblia, kag bangod natabo ini sa atubangan sadto nga mga saksi.Basaha ang Lucas 7:11-15.

Ginbanhaw man ni Jesus ang iya abyan nga si Lazaro, nga patay na sa sulod sang apat ka adlaw. Mapatihan mo ang rekord sang ginhimo ni Jesus bangod madamo man ang nakasaksi sadto.Basaha ang Juan 11:39-45.

Ngaa ginbanhaw ni Jesus ang mga tawo?

Ginbanhaw ni Jesus ang mga tawo bangod sang kaluoy. Ginhimo man niya ini para ipakita nga ang iya Amay, ang Manunuga sang kabuhi, naghatag sa iya sang gahom labaw sa kamatayon.Basaha ang Juan 5:21, 28, 29.

Ang pagbanhaw ni Jesus nagapabakod sang aton pagsalig sa iya mga saad sa palaabuton. Banhawon niya ang daku nga kadam-an, lakip ang mga di-matarong nga wala makakilala sa matuod nga Dios. May kahigayunan sila nga kilalahon kag higugmaon si Jehova nga Dios.Basaha ang Binuhatan 24:15.

 

Magtuon sing Dugang Pa

Ano ang Pagkabanhaw?

Mahimo makibot ka kon sin-o ang pagabanhawon.

Matuod Gid nga Paglaum Para sa Imo Napatay nga mga Pinalangga

Napatyan ka bala sing pinalangga? Posible bala nga makita mo sila liwat? Hibalua ang ginatudlo sang Biblia parte sa pagkabanhaw.