Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

ANG LALANTAWAN ABRIL 2014

 TOPIKO SA KOBER | DAPAT KA BALA MANGAMUYO?

Ngaa Nagapangamuyo ang mga Tawo?

Ngaa Nagapangamuyo ang mga Tawo?

Regular ka bala nga nagapangamuyo? Madamo ang nagahimo sini, bisan pa gani ang pila ka atiesta. Pero ngaa nagapangamuyo ang mga tawo? Suno sa isa ka surbe, katunga sang mga pumuluyo sa Pransia ang nagapangamuyo ukon nagapamalandong kon kaisa “para lang mangin maayo ang pamatyag.” Pareho sa madamo nga taga-Europa, wala sila nagapangamuyo para simbahon ang Dios. Sa baylo, ginahimo nila ini bangod sang “makapaumpaw nga epekto sang pangamuyo.” Ang iban naman nagapalapit lang sa Dios kon kinahanglan nila sing bulig, nga nagapaabot sang madasig nga sabat sa ila mga pangabay.—Isaias 26:16.

Ano sa imo bahin? Nagahunahuna ka bala nga ang pangamuyo paagi lang para makapamensar ka sing maayo? Kon nagapati ka sa Dios, nakita mo bala nga makabulig ini sa imo? Ukon pamatyag mo bala wala gid ginasabat ang imo mga pangamuyo? Ang Biblia makabulig sa imo nga tamdon ang pangamuyo, indi lang para mapaayo ang imo pamatyag, kundi subong importante nga paagi agod mangin suod sa Dios.