Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN ABRIL 2014

Sabat sa mga Pamangkot sa Biblia

Sabat sa mga Pamangkot sa Biblia

Ano ang himuon ni Jesus sa palaabuton?

Sang tuig 33 C.E., napatay si Jesus, ginbanhaw, kag nagkayab sa langit. Sang ulihi, ginhatagan sia sang awtoridad nga maggahom subong Hari. (Daniel 7:13, 14) Sa palaabuton, manghikot sia subong Hari agod paluntaron ang paghidait sa kalibutan kag dulaon ang kaimulon.—Basaha ang Salmo 72:7, 8, 13.

Subong Hari, tinluan ni Jesus ang duta nga puno sang pagkadimatarong

Mahimo si Jesus sang makatilingala nga mga butang subong Manuggahom sang katawhan. Gamiton niya ang gahom nga ginhatag sang iya Amay para ipasag-uli ang mga tawo sa pagkaperpekto. Mabuhi sila nga malipayon sa duta nga indi na magtigulang kag mapatay.—Basaha ang Juan 5:26-29; 1 Corinto 15:25, 26.

Ano ang ginahimo ni Jesus subong?

Ginagiyahan ni Jesus ang iya mga sumulunod sa ila pagwali nga hilikuton sa kalibutan subong. Ginabisitahan nila ang mga tawo para ipahibalo sa ila ang ginasiling sang Biblia parte sa Ginharian sang Dios. Nagsiling si Jesus nga padayon niya nga suportahan ang hilikuton sang iya mga disipulo tubtob tapuson na sang Ginharian sang Dios ang pagginahom sang mga tawo.—Basaha ang Mateo 24:14; 28:19, 20.

Paagi sa matuod nga Cristiano nga kongregasyon, ginagiyahan ni Jesus ang mga tawo sa mas maayo nga dalanon sang kabuhi. Padayon niya sila nga giyahan sa tion sang kalaglagan sini nga sistema sang mga butang pakadto sa ginsaad sang Dios nga bag-ong kalibutan.—Basaha ang 2 Pedro 3:7, 13; Bugna 7:17.

Magtuon sing Dugang Pa

Ano ang Ginharian sang Dios?

Madamo ang nakahibalo sang Pangamuyo sang Ginuo. Ano ang buot silingon sang, “Magkari ang imo Ginharian”?